Պետությունը՝ իշխանության խաղալիք

Ընտրական օրենսգրքի շուրջ պատմությունը աբսուրդի է հասնում։ Մեր բոլորի աչքի առաջ խեղաթյուրվում է ամեն ինչ և դա անում է երկրի իշխանությունը։

Այսօր ճշմարտությունն ասել և տեղ հասցնել՝ գործնականում հնարավոր չէ։ Բայց գոնե պատմության համար մենք պարտավոր ենք չկեղծել իրականությունը։

Արդեն շրջանառության է դրվել ամբողջ բառապաշարը՝ սաբոտաժ, հակահեղափոխություն և այլն։ Իսկ ի՞նչ է եղել իրականում։

1. Վարչապետ Նիկոլ Փաշինանը հայտարարում է, որ արտահերթ խորհրդարանական ընտրությունները տեղի կունենան մայիս-հունիսին, և  քաղաքական դաշտը պատրաստվում է այդ ժամկետներին։

2. Ստեղծվում է հանձնաժողով ԸՕ փոփոխության համար։

3. Վարչապետ Ն. Փաշինյանը Նյու-Յորքում չգիտես ում հորդորով որոշում է, որ ընտրությունները պետք է կայանան դեկտեմբերին։

4. Ժամանելով Երևան դա ձևակերպում է որպես ժողովրդի պահանջ ու մարդկանց հանում փողոց։

5. ԱԺ երկրորդ խմբակցությունը մեկ օրում փոխում է իր դիրքորոշումը։

6. Հրատապ կարգով ԱԺ է բերվում սահմանադրական օրենքի փոփոխության նախագիծ / ԸՕ/ , որը թերի է, բազմաթիվ վիճելի կետերով։

7. ՀՀԿ-ն և ՀՅԴ-ն պարզ հայտարարում են, որ նման հրատապությամբ, առանց քննարկելու, չի կարելի ընդունել նման կարևորության օրենք։

8. Արդարադատության նախարար Ա. Զեյնալյանը, ըստ էության, ընդունում է դա, բայց հակափաստարկում, որ մենք, ըստ էության, գտնվում ենք ֆորսմաժորային իրավիճակում, քանի որ դեկտեմբերին տեղի են ունենալու արտահերթ ընտրություններ։ Նա ևս ճիշտ է, միայն մոռանում է նշել, որ այդ ֆորսմաժորը միայն և միայ ն Ն. Փաշինյանի միակամության պատճառով է։

9. Օրինագիծը, ի վերջո, չի անցնում և Ն. Փաշինյանն ու իր թիմը դարձյալ Live-ով հայտարարում են սաբոտաժի և հակահեղափոխությա ն մասին։

Սա է միակ իրականությունը։

Ինչ կլինի հետո։ Ամենայն հավանականությամբ, իշխանութունը կգնա կուլիսային ճնշումների ճանապարհով։ Կփորձի մի քանի ՀՀԿ-ական գնել ու արտահերթով անցկացնել օրինագիծը։ Չի բացառվում նաև մարդկանց փողոց դուրս բերելը, թմբուկի հոուուու-ն և այլ տեսարաններ։

Վահրամ Գեւորգյան

Top-News.am