ՀՀԿ-ն որեւէ հետեւություն չի արել, իսկ ընտրողն արդեն արել է

Ընտրարշավի սկզբից դեռ մեկ շաբաթ էլ չի անցել, բայց առավել ակտիվ ընտրողներն արդեն որոշակի եզրահանգման են եկել:

Առաջին հերթին գրեթե բոլորը ֆիքսել են, որ կառավարող ՀՀԿ-ն անցած տարիների ընթացքում որեւէ հետեւություն չի արել եւ կրկին հույսը դրել է ոչ թե գաղափարախոսության, քարոզարշավի, այլ` վարչական եւ նյութական ռեսուրսների վրա: Կարճ ասած, ՀՀԿ-ի հույսը ռեյտինգային ընտրակարգն է եւ վարչանյութական ռեսուրսները:

Ընտրողները նաեւ հասկացել են, որ ՀՀԿ-ն չի պատրաստվում հաշվի նստել ընտրողի կարծիքի եւ դիրքորոշման հետ: Հասկացել են եւ որոշակի հետություններ արել:

Առավել ակտիվ եւ ուշադիր ընտրողներն էլ նկատել են, որ ՀՀԿ-ի շտաբերում աշխատանքի անցածներն այս ամենին վերաբերում են ոչ թե որպես քաղաքական գործընթացի, այլ «փող կպցնելու» գործընթացի:

Բնականաբար, ՀՀ քաղաքացին, ընտրողը կամ նրանց գերակշիռ մասն արդեն իսկ հասկանում է, որ եթե հանկարծ ՀՀԿ-ն շարունակի մնալ կառավարող ուժ, ապա Հայաստանում իրավիճակը միայն ավելի կվատանա, քանի որ եթե կառավարող ուժը որեւէ հետեւություն չի արել եւ ցանկանում է կառավարել հին մեթոդներով եւ եղանակներով, ապա ոչ մի լավ բան մեզ չի սպասվում:

Եւ ամենակարեւորը՝ ընտրողների ճնշող մեծամասնությունն արդեն իսկ հասկացել է, որ ոչ մի դեպքում չի կարելի վստահել ՀՀԿ-ին, որը տապալվել է բոլոր ուղղություններում, եւ որի կառավարման տարիներին ավելացել է աղքատությունը, իսկ արտագաղթը հասել ռեկորդային չափերի:

Վարդան Մխիթարյան 

Այս թեմայով Պուտինը հաղթում է Ռուսաստանի նախագահական ընտրություններում Ռուսաստանի ԿԸՀ-ն հայտնել է կիբերհարձակման հետմղման մասին Չինաստանում փակվել են Ռուսաստանի նախագահական ընտրությունների ընտրատեղամասերը Ուկրաինայում ռուսաստանցիներին թույլ չեն տալիս մասնակցել Ռուսաստանի նախագահի ընտրություններին Երեւանում ընտրատեղամաս է բացվել Ռուսաստանի նախագահական ընտրություններում քվեարկելու համար