ՔՊ-ականները միաժամանակ պատռել եւ չեն պատռել իրենց անդամատոմսերը
Սյունիքի մարզպետի նշանակումը լուրջ խմորումներ է առաջացրել Սյունիքում, մասնավորապես Գորիսում: Հիշեցնենք, որ մարզպետ է նշանակվել ՀՀ նախկին փոխոստիկանապետ Հունան Պողոսյանը:
«Ժողովուրդ» օրաթերթին հայտնի դարձավ, որ այնտեղ մի շարք ՔՊ համակիրներ դեռեւս ամիսներ առաջ գրասենյակ էին բացել, եւ գրեթե ամեն օր մի խումբ երիտասարդներ դիմում են գրել ՔՊ անդամագրվելու համար: Երեկվա դրությամբ 105 անձ ՔՊ-ի անդամակցության դիմում է գրած եղել, սակայն մարզպետի նշանակման շուրջ առաջացած տարաձայնությունների պատճառով նրանցից շուրջ 50-ը պատռել են իրենց ՔՊ անդամակցության դիմումները:
Հետաքրքիրն ու ուշագրավն այն է, թե ինչպես է այս տեղեկությանն արձագանքել «Քաղաքացիական պայմանագիր» կուսակցության մամուլի խոսնակ Վահան Կոստանյանը:
«Մեր մարզային շտաբերի պատասխանատուների հետ զրուցեցի, դիմումներ պատռելու փաստ չի արձանագրվել, ավելին ասեմ` կուսակցության դիմում ներկայացրած այն անձինք, ովքեր այդ ակցիան են իրականացրել, փորձել են հրավիրել մի խումբ դիմում ներկայացրած անձանց, ովքեր մերժել են իրենց առաջարկը: Ամեն դեպքում, մենք գտնում ենք` յուրաքանչյուր քաղաքացի, եթե ունի որեւէ բողոք, ազատ է Հայաստանում իրացնել այդ իրավունքը»:
Այս պատասխանը սովորական պատասխան չէ, այն ցույց է տալիս ՔՊ-ի իրական վերաբերմունքը հանրության նկատմամբ: Թվում է, թե Կոստանյանը հերքում է տեղեկությունը, բայց նույն հերքման ժամանակ նշում, թե նման ակցիա եղել է:
Նա մի խորամանկ քայլի եւս դիմում է: Ասում է, թե դիմումներ պատռելու փաստ չի արձանագրվել: Կրկին նա ցանկանում է այնպիսի տպավորություն ստեղծել, թե նման դեպք չի եղել, բայց ընդամենը խորամանկում է, քանի որ փաստ չարձանագրելը դեռ չի նշանակում, թե դեպքը տեղի չի ունեցել:
Այսպես, Վահան Կոստանյանը կարող է փողոցը կարմիր լույսի տակով անցնել, բայց այդ փաստը չարձանագրվի այլոց կողմից, ինչը սակայն չի նշանակում, թե նա կարմիր լույսի տակով չի անցել:
ՔՊ-ի որդեգրած քաղաքականությունը վաղուց արդեն պարզ է, քանի որ շատ պարզունակ խորմանկության տարրեր է պարունակում: Հանրությունն աստիճանաբար կհասկանա, թե ինչպես են իր հետ վարվում, բայց դա կլինի աստիճանաբար, եւ ոչ միանգամից:
Իսկ մեզ, հետաքրքրում է ոչ թե այն, թե ՔՊ-ականները պատռել են իրենց կուստոմսերը, թե ոչ, այլ այն, թե ինչպես է կառավարող կուսակցությունը մատուցում տեղի ունեցած այս կամ այն իրադարձությունը:
Վարդան Մխիթարյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...