Հայկ Մարությանը հիացած է նաեւ կարմիր գծերով
Հայկ Մարությանը, որը լայն շրջանակներին ավելի հայտնի է Կարգին Հայկո անունով, կարծես թե, հասկացնում է, որ քաղաքային նախկին իշխանությունները ճիշտ են աշխատել:
Նա լրագրողների հետ զրույցում հերթական «գլուխգործոց» հայտարարությամբ է հանդես եկել․ «․․․Եթե ժողովուրդն ասում է՝ եկեք կարմիր գծերը հանենք, ասում եմ՝ խնդիր չկա, բայց քաղաքային բյուջեից էսքան գումար պակասեց, այսքան մանկպարտեզ քիչ ենք վերանորոգելու, օրինակի համար եմ ասում։Մենք ենք որոշողը, ուզում եք, գույքահարկերն էլ հանենք և չկարողանանք աղբահանություն, տրանսպորտ ապահովենք եւ այլն»։
Փաստորեն, ըստ նորաթուխ եւ հեղափոխական քաղաքապետի տրամաբանության, նախկին իշխանությունները ճիշտ են աշխատել՝ սահմանելով տարատեսակ հարկեր և տուգանքներ։ Այստեղ, սակայն, հարց է առաջանում՝ իսկ ինչո՞ւ Հայկոն դուրս եկավ փողոց, ինչի՞ դեմ էր նա պայքարում։ Առհասարակ, ինչի՞ համար էր այս հեղափոխությունը, եթե նախկին իշխանություններն ամեն ինչ ճիշտ են արել։
Կարծում ենք՝ առնվազն անբարոյականություն է փողոցային հարթակներից մի բան խոսել, իսկ իշխանության ղեկը վերցնելուն պես՝ բոլորովին այլ բան պնդել, ընդ որում՝ նախկին իշխանությունների մոտեցումներից ոչնչով չտարբերվող։
Առաջարկում ենք այդքան միօրինակ չգտնվել և գոնե մի փոքր տարբերվել նախկին իշխանությունների որդեգրած գծից։ Ի վերջո, մարդիկ հավատում են, որ հեղափոխություն է տեղի ունեցել, չի՛ կարելի այդքան դաժանորեն հուսախաբ անել։ Ինչպե՞ս տարբերվել։ Դե օրինակ՝ կարող են «կարմիր գծերի» հարկը մի քանի անգամ բարձրացնել և դրանով միանգամից լուծել բոլոր մանկապարտեզների վերանորոգման հարցը։ Կարող են ավելի կրեատիվ գտնվել ու սահմանել, ասենք, «մանկապարտեզի հարկ», որպեսզի վճարեն ոչ միայն վարորդները, այլև Երևանի՝ 18 տարին լրացած յուրաքանչյուր բնակիչ։
Իսկ եթե կրեատիվի ժամանակ չկա, պարզապես կարող են գումար հավաքել․ այո՛, բաց ու պարզ հայտարարել, որ գումար չունեն, իսկ մանկապարտեզները այնքա՜ն կարիք ունեն վերանորոգման․․․Վստահ ենք՝ միանգամից մի կլորիկ գումար կհավաքվի, ինչպես դա եղավ «Իմ քայլի» նախընտրական քարոզարշավի ժամանակ։
Հումորը մի կողմ։ Չնայած հիմա, երբ քաղաքապետը Հայկ Մարությանն է Երեւանի մասին դժշվար է առանց հումոր խոսել: Իրականում այստեղ կա նաև հարցի երկրորդ, շատ ավելի ողբերգական հատվածը։ Նորընտիր քաղաքապետի վերը նշված հայտարարությունը ոչ այլ ինչ է, քան կնիք, որ Երևանի կառավարման մեջ այդպես էլ ոչինչ չի փոխվելու, և այդքա՜ն գեղեցիկ մատուցմամբ՝ մաքրելու, փոխելու, վերանորոգելու վերաբերյալ այն յոթ խոստումները չեն իրագործվելու։
Երևանցիներիս կյանքում ոչինչ չի փոխվելու, քանի որ 80 տոկոս քվեով ընտրված այս իշխանությունները չեն էլ գիտակցում, որ տուգանքների հաշվին քաղաք չեն զարգացնում։ Քաղաքը զարգանում է ճիշտ տնտեսական քաղաքականության և ներդրումների հաշվին։
Հնարավոր չէ «չիպոլինոյական» հարկային քաղաքականության տարատեսակ մեխանիզմներ գործի դնելով՝ ինչ-որ զարգացում ունենալ։ Ինչպես հնարավոր չէ ծնողների վարձավճարների հաշվին մանկապարտեզ վերանորոգել, այնպես էլ հնարավոր չէ դա անել վարորդներից գումարներ շորթելու հաշվին (հատկապես եթե փոխարենը ոչ մի ծառայություն չես մատուցում նրան)։
Ի վերջո, եթե այս քաղաքային իշխանությունների հույսը «կարմիր գծերով» մանկապարտեզ վերանորոգելն է, ուրեմն լավ կլինի քանի դեռ շուտ է պարզապես հրաժարական ներկայացնեն։
Գրիգոր Հայրապետյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...