Ո՞վ է ներողություն խնդրելու Հովիկ Աբրահամյանից
ՀՀ նախկին վարչապետ Հովիկ Աբրահամյանին փաստացի պատականող տարածքներում հայտնաբերված զենքերի փորձաքննությունն ավարտվել է, դրանք կապ չունեն «Մարտի 1»-ի իրադարձությունների հետ, համընկնում չկա: Այս մասին լրագրողների հետ զրույցում ասել է հենց ՀՔԾ պետ Սասուն Խաչատրյանը:
Իսկ հիշո՞ւմ եք երկու ամիս առաջ ԱԱԾ-ի կողմից տարածված հատուկ ռեպորտաժը նույն զենքերի մասին: Հիշո՞ւմ եք շեշտադրումները, սարսափ կինոներում օգտագործվող երաժշտությունը: Հիշո՞ւմ եք, որ ռեպորտաժն այնպես էր կառուցված, որ միջին վիճակագրական ՀՀ քաղաքացին արդեն իսկ վստահ լինի, որ հենց այդ զենքերով են սպանվել մարտի 1-ի ողբերգության զոհերը:
Անցավ երկու ամիս: Հիմա արդեն պաշտոնապես հայտարարվեց, որ այդ զենքերը մարտի մեկի հետ որեւէ կապ չունեն: Ափսոս միայն, որ արդեն հատուկ ռեպորտաժ չպատրաստվեց եւ լայն տարածում չգտավ: Ափսոս:
Իսկ հիմա հարց է առաջանում, թե Հովիկ Աբրահամյանից, նրա ընտանիքի անդամներից, ընկերներից ո՞վ է ներողություն խնդրելու ԱԱԾ-ն, ՀՔԾ-ն, թե՞ կառավարությունը:
Իսկ ներողություն խնդրել պետք է, քանի որ քիչ էր մնում հայտարարվեր, թե մարտի մեկի դիպուկահարը հենց Հովիկ Աբրահամյանն է եղել: Ե՞րբ ենք սովորելու ներողություն խնդրել թույլ տված սխալի համար: Հավատացեք, առաջ շարժվելու համար պետք է նաեւ ներողություն խնդրել սովորել:
Ի վերջո մի օր պե՞տք է ներողություն խնդրեն Ռոբերտ Քոչարյանից: Չէ որ Քոչարյանին աղմուկ աղաղակով կալանավորեցին ներկայացնելով այնպիսի անհեթեթ մեղադրանք, որ հետո վերաքննիչ դատարանը կալանքը վերացնելու որոշում կայացրեց:
Չմոռանանք նաեւ, որ առաջին ատյանի դատարանն իրեն Սահմանադրական դատարանի լիազորություններ շնորհելով որոշեց, որ Ռոբերտ Քոչարյանի՝ արտակարգ դրություն հաստատելու մասին հրամանագիրը հակաօրինական է։ Այնինչ նման որոշում կարող էր կայացնել միայն ՍԴ-ն:
Ռոբերտ Քոչարյանին մամուլի միջոցների օգտագործմամբ եւս անհեթեթ մեղադրանքներ են ներկայացնում, այն էլ այնպիսի տոնով, թե դա բացարձակ ճշմարտություն է՝ թյուրիմացության մեջ գցելով հարյկուր հազարների:
Ի վերջո այս ամենի համար մի օր պետք է ներողություն խնդրեն ՀՀ երկրորդ նախագահից:
Պետք է ներողություն խնդրեն «ասֆալտին փռվածներից», նրանց ընտանիքի անդամներից, ՀՀ միջին վիճակագրական քաղաքացուց, որին հավատացրել էին, թե Հովիկ Աբրահամյանը հանցագործ է, Ռոբերտ Քոչարյանն ամենավտանգավոր հանցագործը, ծխախոտ արտադրողն ամենամեծ խուլիգանը եւ այսպես շարունակ:
Որքան շուտ ներողություն խնդրեն, այնքան շուտ կտեղափոխվենք կառուցողական դաշտ: Որքան շուտ ներողություն խնդրեն, այնքան շուտ կփակվի մեր պատմության ամենաէմոցիոնալ եւ էյֆորիկ փուլը եւ կսկսենք զբաղվել գործով եւ երկրի զարգացմամբ:
Ներողություն խնդրում են ոչ թե թույլերը, այլ ուժեղները:
Վարդան Մխիթարյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...