Ինչի մասին են վկայում կեղծ հարցումները

Արդեն հանրությունը հոգնել է կառավարող ուժի կողմից կիրառվող նույն հնարքներից: Կեղծ հարցումներ, որի արդյունքները հուշում են, թե իշխանությունները ինչ հարաբերակցություն են ցանկանում տեսնել խորհրդարանում:

Իրականում, այս հարցումները հուշում են, թե ումից է զգուշանում, որ քաղաքական ուժին է լուրջ մոտենում իշխանությունը:

Գրել, հիմա էլ տարածում են, թե «Օհանյան-Րաֆֆի-Օսկանյան» դաշինքը վերջին տեղում է: Գրել են, չհասկանալով, որ հանրությունը վաղուց արդեն հասկացել է, թե ինչու են նման հարցումներ անցկացնում, եւ ինչու են ոմանց շատ տոկոսներ «խփում», իսկ ոմանց՝ քիչ:

Իրականում շատ ավելի լուրջ եւ բազմաշերտ հարցումներ իշխանություններն իրականացրել են, հասկացել, թե իրականում որքան բարձր է «Օհանյան-Րաֆֆի-Օսկանյան» դաշինքի վարկանիշը եւ լայնածավալ գրոհ սկսել բոլոր հնարավոր միջոցներով:

Մի լրատվամիջոց գրում է, թե բա այսքան ցածր վարկանիշ ունեք, ինչու հետեւություններ չեք անում, մյուսը գրում է, թե ներսում կռիվ է, մեկ այլ պայծառ դեմք, թե բա նախընտրական շարֆերը լավը չեն:

Գրում են ու չեն հասկանում, թե որքան ասում, խոսում են այս դաշինքի դեմ, այնքան հանրությունը հասկանում է, որ գործ ունի լուրջ դաշինքի հետ, որը իշխանություններին լրջագույն գլխացավանք է պատճառում:

Շարունակելու են գրել «Օհանյան-Րաֆֆի-Օսկանյան» դաշինքի մասին, շարունակելու են տարատեսակ մեղքեր բարդել այս դաշինքի վրա, զանազան ստեր տարածել, որից միայն ընտրողը մի հետեւություն է անելու՝ այս դաշինքին պետք է վստահել եւ աջակցել:

Ի դեպ, բոլորն են հիշում, թե ինչ եղավ ԱՄՆ-ում դեռ բոլորովին վերջերս: Լրատվամիջոցներն անդադար կեղծ հարցումների արդյունքներ էին ներկայացնում, թե իբր Քլինթոնի հաղթանակը կասկած չի հարուցում, իսկ Թրամփը եւ նրա ընտրողները վերցրին եւ թրմափեցին, այլ կերպ ասած՝ հաղթեցին:

Վարդան Մխիթարյան 

Այս թեմայով Պուտինը հաղթում է Ռուսաստանի նախագահական ընտրություններում Ռուսաստանի ԿԸՀ-ն հայտնել է կիբերհարձակման հետմղման մասին Չինաստանում փակվել են Ռուսաստանի նախագահական ընտրությունների ընտրատեղամասերը Ուկրաինայում ռուսաստանցիներին թույլ չեն տալիս մասնակցել Ռուսաստանի նախագահի ընտրություններին Երեւանում ընտրատեղամաս է բացվել Ռուսաստանի նախագահական ընտրություններում քվեարկելու համար