ՀՀԿ-ի երգը, արտագաղթն ու բազմապատկված արտաքին պարտքը
Երեկ պաշտոնապես մեկնարկեց ապրիլի 2-ին կայանալիք խորհրդարանական ընտրությունների պաշտոնական քարոզչության շրջանը: Այն տեւելու է մինչեւ մարտի 30-ը: Ապրիլի 1-ը լռության օր է, իսկ երկուսը՝ ընտրության: Քարոզարշավի առաջին օրը մեծ ակտիվություն ցուցաբերեց կառավարող Հանրապետական կուսակցությունը: «Անվտանգություն եւ առաջընթաց» բառերը որպես կարգախոս ընտրած Սերժ Սարգսյանը՝ քարոզչությունը սկսեց «Փոխենք աշխարհը» ռեգգի երգով: Տեսահոլովակում երգում է հայտնի եւ հեղինակային «Ռեինկարնացիա» ռեգգի ոճում հանդես եկող խումբը, նվագում՝ ՀՀ վարչապետ Կարեն Կարապետյանը: Մի կողմ թողնենք խումբը քաղաքականացնելու մասին ֆեյսբուքյան մեկնաբանությունները, վարչապետի փոքր-ինչ հեղինակության օգտագործումը եւ տեսահոլովակում նկարահանված այլ աստղերի քաղաքական ենթատեքստ ունեցող ներկայությունը:
Սերժ Սարգսյանը 9 տարի շարունակ բռնազավթել է ՀՀ նախագահի պաշտոնը՝ չհաշված վարչապետի եւ պաշտպանության նախարարի պաշտոնները զբաղեցրած տարիները: Փորձենք հասկանալ, թե ի՞նչ փոխվեց մեր կյանքում, տնտեսությունում այդ տարիների ընթացքում: Այժմ նրա ծրագրած ազգանպաստ ո՞ր փոփոխությունն է անավարտ մնացել, որ Սարգսյանը ցանկանում է կրկին ղեկավարել երկիրը:
Սերժ Սարգսյանի նկարահանած չորս րոպե տեւողություն ունեցող «կլիպը» հակասում է նրա վարած քաղաքականությանը: Տեսահոլովակը սկսվում է հայտնի շախմատիստ Լեւոն Արոնյանի կադրով, ում ձեռքին ամսագիր է՝ շապիկին Հենրիխ Մխիթարյանը: Նշյալ կադրերին զուգահեռ հնչում են հետեւյալ խոսքերը.«Չհեռանաք, երբեք»։ Հարց է առաջանում, թե Սերժ Սարգսյանի ղեկավարման տարիներին մեր երկրից քանի հազար մարդ է հեռացել:
Այս 9 տարիների ընթացքում, ինչ նախագահ է ընտրվում, իսկ հետո վերընտրվում Սերժ Սարգսյանը, Հայաստանը, ըստ Ազգային վիճակագրական ծառայության տվյալների, լքել են հազարավոր քաղաքացիներ: 2008 թվականից մինչ 2016 թվականը Հայաստանից հեռացել է 355 հազար մարդ:
Նվազել է երկրի մշտական բնակչության թիվը, աճել է՝ երկրի պետական պարտքի թիվը: 2008 թվականի պետական պարտքը բազմպատկվել է՝ հասնելով 6 միլիարդ դոլարի: 20 տոկոս աղքատություն ունեցող երկիրը, նույն ժամանակացույցով, այժմ 30 տոկոսն ունի: Միայն Գյումրու աղքատությունը 46 տոկոս է:
Սա Սերժ Սարգսյանի 2008 թվականի «Առաջ Հայաստանն» է, որը հիմա վերաձեւակերպվել է «Անվտանգություն եւ առաջընթաց»-ի: Այս կարգախոսներին զուգահեռ վստահորեն կարող ենք նշել, որ 2008 թվականից առ այսօր Հայաստանը կես քայլով անգամ առաջ չի գնացել: Ներկայում անվտանգություն խոստացող սարգսյանական ռեժիմը մոռանում է, որ նա չի կարողանում ապահովել երկրի արտաքին եւ ներքին անվտանգությունը: Բավարար է հիշել սահմանին կատարվողը, իսկ ներսում՝այլազգիների ոճրագործությունները հայերի նկատմամբ:
Մնում է հուսալ եւ հավատալ, որ ապրիլի 2-ին արժանապատվությունը առավել վեր կդասվի եւ բարեկեցիկ երկրում ապրել ցանկացող հայը չի քվեարկի Սերժ Սարգսյանի եւ նրա ռեժիմի օգտին:
Դավիթ Գասպարյան
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...