Գյումրեցի երիտասարդն ընդդեմ ընտրակեղծիքների
Որքան մոտենում է ընտրության օրը, այնքան ակտիվանում են ընտրակաշառքի մասին խոսակցությունները: Փետրվարին բոլորը խոսում էին այն մասին, որ իշխանությունը, հիմնականում ՀՀԿ-ի անհատ թեկնածուներ, որպես մեկ ձայնի ինքնարժեք սահմանել են 25 հազար դրամից մինչեւ 100 ԱՄՆ դոլարը: Այժմ տեղեկություններ են շրջանառվում, որ յուրաքանչյուր քվեի դիմաց ՀՀԿ-ականները կվճարեն առավելագույնը 10 հազար դրամ: Ընտարակաշառքը ոչ միակ, բայց ամենատարածված ընտրախախտումներից մեկն է:
Առաջին հայացքից ոչ արտասովոր այս երեւույթը իր սեւ բիծն է թողնում ազգային արժանապատվության վրա:
Նախորդ տարի՝ 2016 թվականի Գյումրու ՏԻՄ ընտրություններից մի քանի շաբաթ առաջ, մասնակցում էի լրագրողների համար նախատեսված մի սեմինարի: «Լրագրողը եւ ՏԻՄ ընտրությունները» սեմինարը վարում էին Գերմանիայի հայտնի լրատվամիջոցների լրագրողներ եւ խմբագիրներ:
Սեմինարի վայրը պատահական չէր ընտրվել. բանախոսները նշում էին, որ դիտորդական կազմակերպությունները Հայաստանում գրանցել են ընտրախախտումների մի շարք դեպքեր: Նունիսկ գերմանացի լրագրողները տեղյակ էին «կարուսելի» մասին, երբ իշխանությունը շրջանառության մեջ է դնում քվեաթերթիկները՝ դուրս հանելով ընտրատեղամասից: Վերջիններս ասում էին, որ այս ընտրախախտումը աշխարհին հայտնի բրենդ է դարձել՝ «արմյանսկի կարուսել» անվամբ:
Այս ամենը գուցե չէի հիշի, եթե այսօր երթուղայիններից մեկում չլսեի երկու կանանց հետեւյալ խոսակցությունը. «Սահմանադրական հանրաքվեի ժամանակ հանրապետականները լցվել էին մեր տունը: Մեր տան մոտի դպրոցում էր ընտրության տեղը: Եկել, նստել էին, ով ընտրության կմտներ, կգար մեր տնից իրանց նշած թուղթը կվերցներ, կտաներ, մաքուրը կբերեր: 3-4 ժամ մնացին մեր տունը, մեզ էլ լավ փող տվեցին, ընտրողներին էլ հետը…Երանի էս տարի էլ գային»,-պատմում էր կինը:
Նմանատիպ խոսակցությունների ունկնդիր հաճախակի կարել է լինել, իսկ ականատես՝ միշտ, հատկապես ընտրության օրը: Ընտրակաշառք վերցնել–չվերցնելու հարցը շարունակում է վիճելի մնալ՝ կարելիի եւ չիկարելիի տեսակետից, սակայն կառավարող ՀՀԿ-ի եւ Սերժ Սարգսյանի վարած քաղաքականությունը թույլ չի տալիս, որ սոցիալապես ամենաաղքատ քաղաքում բնակվող անձը մասնակից չդառնա նրա հանցագործությանը:
Կարելի է մտածել, որ պայքարի բոլոր միջոցները տեղի են տվել ընտրակաշառքին, բայց իրականում այդպես չէ: Վերոնշյալ կանանց խոսակցությունը ընդհատեցին գյումրեցի մի քանի երիտասարդներ, ովքեր նույն երթուղայինում էին: Վճռականորեն կեղծիքի ու անօրինականության դեմ պայքար մղող երիտասարդները խոսեցին այնպիսի արժեքներից, որոնք չեն կարող գնվել եւ վաճառվել 5, 10, 15 հազար դրամներով կամ 100 դոլարով:
Բնականաբար, ընտրակաշառքի գործոնն իր ազդեցությունը կունենա նաեւ այս ընտրությունների արդյունքների վրա, բայց ավելի քիչ, քան նախորդ ընտրության ժամանակ: Եվ պետք է Սերժ Սարգսյանն ու կառավարող իշխանության ցանկացած կամակատար հասկանան, որ գոնե Գյումրիում արժանապատվությունը չի վաճառվում: Հենց այս գյումրեցի երիտասարդների շնորհիվ է, որ Սերժ Սարգսյանը հերթական անգամ իր խայտառակ պարտությունն է կրելու Գյումրիում:
Դավիթ Գասպարյան
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...