Մեր սխալը կրկնում են ադրբեջանցիները (Տեսանյութ)

Համացանցում մի տեսանյութ է տարածվում, որտեղ ուսուցչուհին ադրբեջանցի մանուկներին «հայրենասիրության» դասեր է տալիս: Իսկ հայրենասիրությունը նրա պատկերացմամբ կայանում է երեխաներին հայերի նկատմամբ թշնամություն սերմանելը եւ, անկախ իր կամքից՝ հայերով սարսափեցնելն ու վախեցնելը:

«Ո՞վ է մեր թշնամին»,- հարցնում է ուսուցչուհին, բնականաբար ակնկալելով իր սպասված պատասխանը: «Հայերը գրավել են մեր հողերը», «հայերը սպանել են մեր մարդկանց», «հայերը սպանել են մեր բոլոր զինվորներին»:

Եւ սա համարում են դաստիարակություն, հայրենասիրություն: Ավելին, որոշ հայեր էլ հիացած այս ուսուցչուհու մեթոդներով, տարածում են տեսագրությունը եւ նշում, թե երեխաներին հենց այսպես պետք է դաստիարակել: Մինչդեռ հենց այսպես չի կարելի երեխա դաստիարակել: Մեզ հենց այսպես են դաստիարակել սկսած վաթսունականներից:

Մեր թշնամին թուրքն է, թուրքերը մեզ կոտորել են, թուրքերը մեզ սպանել են, թուրքերը մեզ էս ու էն են արել, եւ իհարկե, գրավել են մեր հողերը: Այսպես մի քանի սերունդ է դաստիարակվել, որոնք ոչ թե հայրենասերն էր են դարձել, այլ պարզապես ատել են թուրքերին, վախեցել նրանցից եւ բարդույթավորվել: 

Հիմա մեր կոպիտ սխալը կրկնում են ադրբեջանցիները, որոնց մոտ արդեն սովորություն է դարձել կրկնել այն ամենն ինչ անում ենք մենք: Արդյունքում նրանք ունենալու են հայերի նկատմամբ բարդույթներ ունեցող ազգաբնակչություն, դրանից բխող բոլոր ծանր հետեւանքներով:

Սա հայրենասիրություն չէ, սա խելագարություն է, խելահեղություն եւ անխելքություն: Եւ իհարկե, սա դաստիարակություն չէ:

Top-News.am

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»