ՀՀԿ-ն առաջա-ԴՐԵՑ Ա. Սարգսյանին

Երեկ Ազգային ժողովում ելույթ էր ունենում նախագահի թեկնածու Արմեն Սարգսյանը: Այն Արմեն Սարգսյանը, որի թեկնածությունն իբր առաջադրել է կառավարող ՀՀԿ-ն: Թեկնածուն նոր էր սկսել ելույթը, երբ ՀՀԿ-ական կարկառուն գործիչները սկսեցին լքել նիստերի դահլիճը:

Նրանք սկսեցին հեռանալ, քանի որ ձանձրանում էին: Իսկ մարդը ձանձրանում է, երբ լսում է մի բան, որը կամ իրեն չի հետաքրքրում կամ իր համար հասկանալի չէ:

Նրանք Արմեն Սարգսյանի ելույթից առաջ եւ ելույթից հետո նրան մի լավ քծնեցին, խիստ անհարմար վիճակում դնելով նրան։ Ընդամենը: Հրահանգ էին ստացել՝ քծնում էին։ Վաղը հրահանգ ստանան՝ հայհոյել, առանց մեկ վայրկյան վարանելու՝ կանեն։

ՀՀԿ խմբակցության մի կարկառուն գործիչ, որի ասածները հաճախ ցիտում է մամուլը, վերջերս խոստովանել էր՝ մենք ո՞վ ենք, մենք կոճակ սեղմողներ ենք: Անկեղծությունը՝ գնահատելի է։ Սրանք կոճակ սեղմելով երկիրը ցանկացած փորձության կտանեն։ Հույս դնել, թե այս վերնախավը մի օր այլ բանի ունակ կդառնա՝ մոլորություն է։ Մոլորություն, որը շատ մոտ է ողբերգությանը։

Սրանց պետք է պարզապես թոշակի ուղարկել։ Երեկ նրանք բառիս բուն իմաստով խայտառակեցին Արմեն Սարգսյանին, վաղը նույնը անելու են՝ Սերժ Սարգսյանի հանդեպ։ Իսկ պետության հանդեպ անում են արդեն՝ 20 տարի։

Վահրամ Գեւորգյան

Top-News.am

Այս թեմայով «Մեծ խաչի ասպետ». Արմեն Սարգսյանը պարգեւատրվել է Իտալիայի բարձրագույն պարգեւով (Լուսանկար) Նախագահ Արմեն Սարգսյանն ընդունել է Սերժ Թանկյանին եւ Կարին Հովհաննիսյանին Արմեն Սարգսյանը ստորագրել է «Կուտակային կենսաթոշակների մասին» օրենքը Նախագահը և արաբական երկրների դեսպանները քննարկել են Հայաստանում ստեղծված իրավիճակը Արմեն Սարգսյան. «Հպարտ եմ մեր ժողովրդով»