Իրոք, շատ տարօրինակ ազգ ենք
Մենք բարեկամ համարում ենք Ֆրանսիային, բայց ցանկանում ենք ապրել ԱՄՆ-ում եւ Գերմանիայում: Իրոք, շատ տարօրինակ ազգ ենք:
Մեր հարցումը ցույց տվեց նաեւ, որ ՀՀ քաղաքացիների միայն 33 տոկոսն է ցանկանում շարունակել ապրել եւ աշխատել Հայաստանում: Սա եւս տարօրինակ ազգին բնորոշ հատկանիշ է: Ունենք պետություն, բայց ուզում ենք ապրել ԱՄՆ-ում եւ Գերմանիայում, բայց երբ չի ստացվում, ապրում ենք Ռուսաստանում, անգամ Թուրքիայում:
Հայաստանցիների 23 տոկոսը երազում է ԱՄՆ-ում ապրելու մասին: Նույն թվով մարդիկ երազում են եւ ջանք ու եռանդ չեն խնայում Գերմանիայում հաստատվելու համար: Նրանք մի անգիր արած արտահայտություն գիտեն՝ այնտեղ երեխաներն ապագա ունեն: Միայն տարօրինակություններ ունեցող ազգը կձգտի երեխաների համար ապագա գտնել ԱՄՆ-ում կամ մեկ այլ երկրում: Ընդ որում, այնպիսի երկրներում, որին Հայաստանին բարեկամ չի համարում:
Մեր հարցման մասնակիցներից եւ ոչ մեկը Գերմանիան Հայաստանի բարեկամ երկիր չի համարում, իսկ ԱՄՆ-ին բարեկամ են համարում հարցվածների ընդամենը 13 տոկոսը:
ՀՀ քաղաքացիների կեսը Հայաստանի բարեկամ համարում են Ֆրանսիային, բայց միայն 15 տոկոսն է ցանկանում մշտական բնակություն հաստատել այդ երկրում: Իսկ Ռուսաստանում երազում է ապրել հայաստանցիների ընդամենը վեց տոկոսը, բայց իրականում՝ ապրում են հարյուր հազարներով, քանի որ չեն կարողանում իրականացնել ԱՄՆ-ում եւ Գերմանիայում ապրելու իրենց երազանքը:
Այսպիսին ենք մենք: Երազում էինք անկախ պետության մասին, իսկ երբ ունեցանք այդ պետությունը, երազում ենք օտարության մեջ ապրելու մասին: Միայն չասեք, թե ժողովրդին այս կամ այն օրը գցեցին: Իսկ ի՞նչ արեց նույն այդ ժողովուրդը, որ իրեն այս կամ այն օրը չգցեն:
Գեղամ Նազարյան
Գլխավոր խմբագիր
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...