Ռեյտինգային ընտրակարգի հետեւանքները
Կառավարությունը, ինչպես եւ սպասվում էր, բացասական եզրակացություն տվեց ԱԺ պատգամավորների կողմից ներկայացված նախագծին՝ փոփոխություններ կատարել Ընտրական օրենսգրքում: «Ծառուկյան» խմբակցության պատգամավորներն առաջարկել էին հանել տարածքային ցուցակների ինտիտուտը՝ թողնելով միայն համամասնական ընտրակարգի ինստիտուտը:
Ցավալի է, որ կառավարությունը նման որոշում կայացրեց, սակայն այս իրավիճակում ակնկալել այլ որոշում՝ միամտություն կլիներ: Իհարկե, դժվար է չհամաձայնել առաջարկի հեղինակների հետ, որ զարգացում տանող ճանապարհը, այսպես կոչված, ռեյտինգային ընտրակարգից հրաժարվելն է: Քանի դեռ կա այս ընտրակարգը քաղաքական համակարգի եւ կուսակցությունների կայացման մասին խոսք անգամ, լինել չի կարող:
Հնարավոր է ԲՀԿ-ն առաջարկները ներկայացնելու համար ոչ ճիշտ ժամանակ էր ընտրել, բայց որ մի օր այս համակարգին պետք է հրաժեշտ տանք՝ փաստ է: Մյուս կողմից չենք կարող չհիշել, որ ժամանակին, թե ԲՀԿ-ն, թե Կոնգրեսը, չգիտես ինչու, կողմ քվեարկեցին այն ընտրական օրենսգրքին, որը մեր կյանք բերեց խայտառական ռեյտինգային ընտրական համակարգը:
Մտահոգիչ է նաեւ այն, թե ինչ հիմնավորումով կառավարությունը մերժեց պատգամավորների առաջարկը: Արդարադատության նախարար Դավիթ Հարությունյանն ասում է, թե յուրաքանչյուր երկիր իրեն բնորոշ համակարգ պետք է ունենա: Ափսոս, որ Արդարադատության նախարարը մեր երկրի մասին այսքան վատ կարծիք ունի:
Համաձայն 2015 թվականի սահմանադրական փոփոխությունների՝ Հայաստանում ընտրությունները պետք է անցնեին ամբողջովին համամասնական ընտրակարգով, սակայն հետագայում հորինվեց ռեյտինգային կոչվող համակարգը, որը ընտրությունները վերածեց ամեն ինչի, բայց ոչ քաղաքական գործընթացի:
«Մեր գործող համակարգը 50/50 է, որեւէ հիմնավորում չենք տեսնում փոփոխություն կատարելու: Եթե անցեինք այդ համակարգին ամբողջությամբ, կունենայինք իրավիճակ, որ անձը ընտրություն կկատարեր միայն կուսակցության օգտին ու չէր իմանա, թե որ պատգամավորն է իրեն ներկայացնելու, խորհրդարանում դեմքով չէր իմանա իր պատգամավորին, իսկ ընտրողը պետք է իմանա, թե ով է իր պատգամավորը»,- նախագիծը մերժելու ժամանակ ասել է նույն Դավիթ Հարությունյանը՝ նոր խոսք ասելով ժամանակակից ժողովրդավարության տեսության մեջ:
Պատգամավորների առաջարկը մերժվեց, բայց նույն Դավիթ Հարությունյանը եւ բոլորն էլ քաջ գիտակցում են, որ Հայաստանում քաղաքական դաշտի կայացման, ժողովրդավարության հաստատման եւ առաջընթացի համար մի օր պետք է ազատվենք խայտառակ ռեյտինգային համակարգից:
Միայն 2017-ի ընտրությունները բավական էին, որ այս համակարգից ազատվեինք հնարավորին չափ շուտ:
Վարդան Մխիթարյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...