Իրանին օգնում է ռուսական հետախուզությունը

Bloomberg-ը գրում է, որ ըստ արևմտյան հետախուզական տվյալների՝ Ռուսաստանն օգնում է Իրանին ԱՄՆ-ի, Իսրայելի և Պարսից ծոցում նրա դաշնակիցների դեմ հարձակումներում՝ տրամադրելով հետախուզական տվյալներ, այդ թվում՝ արբանյակային լուսանկարներ և անօդաչու թռչող սարքերի թիրախավորման մարտավարություն։ Կան մտահոգություններ, որ Չինաստանը ևս կարող է օգնել Թեհրանին՝ ցույց տալով ԱՄՆ-ի հակառակորդների միջև կապերի խորացումը Իրանի հետ պատերազմի ընդլայնման ֆոնին։

Մոսկվան ներկայումս Թեհրանին տրամադրում է հետախուզական տարբեր տեսակի աջակցություն, այդ թվում՝ արբանյակային պատկերներ և դրոնների թիրախավորման մարտավարություններ՝ օգնելու Իրանին հակահարվածներ հասցնել տարածաշրջանում ԱՄՆ ուժերին, հայտնել են ԱՄՆ-ի և արևմտյան հետախուզությանը ծանոթ աղբյուրներ։

Չի հստակեցվում, թե որքանով է արդյունավետ և ժամանակին տրամադրվող հետախուզությունը, ինչպես նաև որքան կանոնավոր է Ռուսաստանը գործնական տեղեկատվություն տրամադրում։

Միացյալ Թագավորության պաշտպանության նախարար Ջոն Հիլի խոսքով, «Իրանական հարվածների օրինաչափությունները կրում են Ռուսաստանի կողմից Ուկրաինայի վրա հարձակման բնորոշ նշանները»։

ԱՄՆ նախագահի հատուկ ներկայացուցիչ Սթիվ Ուիթքոֆը CNBC-ին տված հարցազրույցում ասել է, որ Ռուսաստանի նախագահ Վլադիմիր Պուտինը Դոնալդ Թրամփի հետ հեռախոսազրույցում հերքել է Թեհրանին տեղեկատվություն տրամադրելու փաստը։

«Ռուսները ասել են, որ չեն կիսվել տեղեկատվությամբ, - դա նրանք են ասել, ուստի կարող ենք հավատալ նրանց խոսքերին»,- նշել է Ուիթքոֆը։-«Ավելի լավ հարց է հետախուզության մարդկանց համար։ Բայց հուսանք՝ չեն կիսվում»։

Այնուամենայնիվ, Պուտինը բացահայտ հայտարարել է «անսասան աջակցություն Թեհրանին» և շնորհավորել Մոջտաբա Խամենեիին՝ որպես Իրանի նոր գերագույն առաջնորդ ընտրվելու կապակցությամբ։

Այս թեմայով ԱՄՆ-ն ապացույցներ չունի, որ ՌԴ-ն Իրանին օգնություն է ցուցաբերում «Աբրահամ Լինքոլն» ավիակիրը հարձակման է ենթարկվել ԻՀՊԿ-ի նավատորմի կողմից Իրանը պայմաններ է առաջադրել ԱՄՆ-ի հետ բանակցությունների համար․ Al Mayadeen Իրանի դպրոցին hարվածած шրկի վրա հայտնաբերվել է ամերիկյան մակնշում. The New York Times Թրամփի պատերազմն Իրանի դեմ ԱՄՆ հարկատուներին արդեն շուրջ 6 մլրդ դոլար է արժեցել