Միշտ վախեցել եմ հենց այս վնասվածքից. Ռոդրիգոն՝ ծանր վնասվածքի մասին
Մադրիդի «Ռեալի» կիսապաշտպան Ռոդրիգոն սոցիալական ցանցերում հուզիչ գրառում է կատարել այն բանից հետո, երբ հայտնի դարձավ նրա վնասվածքի լրջության աստիճանը: Հիշեցնենք, որ բրազիլացի ֆուտբոլիստի մոտ ախտորոշվել է աջ ոտքի առաջային խաչաձև կապանի և արտաքին մենիսկի պատռվածք:
«Սա իմ կյանքի վատագույն օրերից մեկն էր, և ես միշտ վախեցել եմ հենց այս վնասվածքից… Գուցե վերջերս կյանքը մի փոքր դաժան էր իմ հանդեպ: Չգիտեմ՝ արդյոք արժանի էի սրան, բայց ինչի՞ց կարող եմ դժգոհել: Որքան հիանալի բաներ եմ ապրել, որոնց նույնպես, գուցե, արժանի չէի։ Իմ կյանքում և կարիերայում լուրջ խոչընդոտ է առաջացել, որը որոշ ժամանակով թույլ չի տա զբաղվել իմ ամենասիրելի գործով։ Ես շարքից դուրս եմ եկել մինչև մրցաշրջանի ավարտը և չեմ խաղա Աշխարհի առաջնությունում իմ ազգային հավաքականի կազմում. մի մրցաշար, որը միշտ իմ երազանքն է եղել և հսկայական նշանակություն ունի ինձ համար: Այն ամենը, ինչ կարող եմ անել, նախկինի պես ուժեղ լինելն է, սա նորություն չէ ինձ համար։ Շնորհակալ եմ բոլորին՝ ձեր աղոթքների, հաղորդագրությունների և սիրո համար»,- գրել է Ռոդրիգոն։
Նշենք, որ 2025/26 մրցաշրջանում ֆուտբոլիստը «արքայական ակումբի» կազմում բոլոր մրցաշարերում անցկացրել է 27 հանդիպում՝ դառնալով 3 գոլի և 6 գոլային փոխանցման հեղինակ։
Շիրակի մարզի քրեական ոստիկանները թմրամիջոցի ապօրինի շրջանառության դեպքեր են բացահայտել
Իրանական լրատվամիջոցները հայտնում են Մահմուդ Ահմադինեժադի մահվան մասին
Ինչպիսի եղանակ կդիտվի առաջիկա օրերին
Եղանակը հանրապետության տարածքում եւ Երեւանում առաջիկա օրերին
Չորս ոստիկան ազատվել է աշխատանքից (տեսանյութ)
Ծովազարդի դպրոցում 14-ամյա տղան հարվածել է համադասարանցու դեմքին՝ կոտրելով քիթը
Սոչիի նկատմամբ ռուս զբոսաշրջիկների պահանջարկը նվազել է
Բարսելոնայում խոսել են Հալանդին ձեռք բերելու պատրաստակամության մասին
Իսրայելը ավիահարվածներ է հասցրել Լիբանանի արվարձաններին` թիրախավորելով «Հեզբոլլահի» ղեկավարներին
ԱՄՆ-ի ավիակիրը հարվածից հետո փոխել է իր տեղակայման վայրը. ԻՀՊԿ