Փախուստ պատերազմից, թե՞ վնասվածք. Ինչ է իրականում կատարվում Կրիշտիանու Ռոնալդուի շուրջ
Մերձավոր Արևելքում աշխարհաքաղաքական իրավիճակի սրումը լուրջ անհանգստությունների ու ասեկոսեների առիթ է դարձել ֆուտբոլային աշխարհում: Արևմտյան մի շարք լրատվամիջոցներ, այդ թվում՝ The Sun-ը, տեղեկացրել էին, թե «Ալ-Նասրի» աստղային հարձակվող Կրիշտիանու Ռոնալդուն իր անձնական ինքնաթիռով շտապ լքել է Սաուդյան Արաբիան և վայրէջք կատարել Մադրիդում։ Լուրերի ֆոնին նշվում էր նաև CNN-ի ռեպորտաժն այն մասին, որ Էր-Ռիյադում ԱՄՆ դեսպանատունը ենթարկվել է անօդաչու թռչող սարքերի հարձակման, իսկ Իսրայելն ու ԱՄՆ-ն ռազմական գործողություններ են սկսել Իրանի դեմ:
Սակայն, լրագրող Բեն Ջեյքոբսը և «Ալ-Նասրի» մամուլի ծառայությունը կտրականապես հերքել են այս տեղեկությունները: Չնայած տարածաշրջանային լարվածությանը՝ 41-ամյա պորտուգալացին հերթական անգամ ի ցույց է դնում իր անկոտրում բնավորությունն ու պայքարելու ոգին. նա Ջորջինա Ռոդրիգեսի և հինգ երեխաների հետ շարունակում է բնակվել Էր-Ռիյադում:
Իրականում Ռոնալդուի շուրջ ստեղծված աղմուկն ու որոշակի պասիվությունը կապված են առողջական խնդիրների հետ։ «Ալ-Նասրը» պաշտոնապես հայտարարել է, որ հարձակվողը վնասվածք ունի. «Ալ-Ֆեյխայի» դեմ վերջին խաղից հետո Կրիշտիանու Ռոնալդուի մոտ ախտորոշվել է ծնկատակի ջլի վնասվածք։ Նա սկսել է վերականգնողական ծրագիրը և ամեն օր կգտնվի բժիշկների վերահսկողության տակ»,- ասված է ակումբի հայտարարության մեջ։
Հիշեցնենք, որ Պրո-լիգայի 24-րդ տուրում «Ալ-Նասրը» 3:1 հաշվով հաղթանակ էր տարել «Ալ-Ֆեյխայի» նկատմամբ: Ռոնալդուն խաղադաշտում անցկացրել էր 81 րոպե և հանդիպման 11-րդ րոպեին չէր կարողացել անվրեպ իրացնել 11-մետրանոց հարվածը:
Այնուամենայնիվ, վնասվածքն ու վրիպումը դժվար թե ընկճեն ֆուտբոլիստին, ով ողջ կարիերայի ընթացքում աչքի է ընկել գերմարդ լինելու ձգտումով և ցանկացած բարդ իրավիճակից հաղթող դուրս գալու ունակությամբ։ Ներկայիս մրցաշրջանում Ռոնալդուն բոլոր մրցաշարերում մասնակցել է 26 հանդիպման՝ դառնալով 22 գոլի և 4 արդյունավետ փոխանցման հեղինակ (Պրո-լիգայում՝ 21 գոլ 22 խաղում):
Ֆուտբոլիստի գործող պայմանագիրն ակումբի հետ նախատեսված է մինչև 2027 թվականի ամառ։ Transfermarkt-ը նրա տրանսֆերային արժեքը գնահատում է 12 մլն եվրո։
Ովքե՞ր եք դուք. Սպերցյանը պատմել է տրանսֆերային պատուհանի վերջին օրվա տարօրինակ զանգի մասին
Շիրակի մարզի քրեական ոստիկանները թմրամիջոցի ապօրինի շրջանառության դեպքեր են բացահայտել
Իրանական լրատվամիջոցները հայտնում են Մահմուդ Ահմադինեժադի մահվան մասին
Չորս ոստիկան ազատվել է աշխատանքից (տեսանյութ)
Ծովազարդի դպրոցում 14-ամյա տղան հարվածել է համադասարանցու դեմքին՝ կոտրելով քիթը
Ինչպիսի եղանակ կդիտվի առաջիկա օրերին
Եղանակը հանրապետության տարածքում եւ Երեւանում առաջիկա օրերին
Սոչիի նկատմամբ ռուս զբոսաշրջիկների պահանջարկը նվազել է
ՀՀ ժողովրդական արտիստ, հայկական էստրադայի նվիրյալ Ռաիսա Մկրտչյանն այսօր նշում է ծննդյան 84-րդ տարեդա...
Բրիտանիան կհրապարակի նախկին արքայազն Էնդրյուի՝ որպես առևտրային ներկայացուցիչ նշանակվելու հետ կապված ...