ՀՈԳՎ ենթակա ստորաբաժանումների ծառայողները հետախուզվողների են հայտնաբերել

Համայնքային ոստիկանության Տարոնի բաժնի ծառայողները ձեռնարկած օպերատիվ-հետախուզական միջոցառումների արդյունքում մարտի 2-ին Վանաձոր քաղաքի Կարեն Դեմիրճյան փողոցում հայտնաբերել, ձերբակալել և բաժին են տեղափոխել 22-ամյա մի երիտասարդի, որը հետախուզվում էր երթևեկության անվտանգության և տրանսպորտի շահագործման կանոնները խախտելու մեղադրանքով. խափանման միջոցը՝կալանք: Նա տեղափոխվել է քրեակատարողական հիմնարկ:

***
Համայնքային ոստիկանության Գուգարքի բաժնի ծառայողները ձեռնարկած օպերատիվ-հետախուզական միջոցառումների արդյունքում մարտի 2-ին Վանաձոր քաղաքի Աղայան փողոցում հայտնաբերել, ձերբակալել և բաժին են տեղափոխել Եղեգնուտ գյուղի բնակիչ 28-ամյա մի երիտասարդի, որը փետրվարի 28-ից հետախուզվում էր երթևեկության անվտանգության և տրանսպորտի շահագործման կանոնները խախտելու մեղադրանքով, որն անզգուշությամբ առաջացրել էր մահ. խափանման միջոցը՝ կալանք։ Նա տեղափոխվել է քրեակատարողական հիմնարկ:

***
Համայնքային ոստիկանության Անիի բաժնի ծառայողները ձեռնարկած օպերատիվ-հետախուզական միջոցառումների արդյունքում մարտի 2-ին Երևան քաղաքի Ամիրյան փողոցի շենքերից մեկի մոտ հայտնաբերել, ձերբակալել և բաժին են տեղափոխել 51-ամյա մի տղամարդու, որը փետրվարի 27-ից հետախուզվում էր շահադիտական դրդումներով կատարված սուտ մատնության մեղադրանքով. խափանման միջոցը՝ կալանք։

***
Համայնքային ոստիկանության Արթիկի բաժնի ծառայողները ձեռնարկած օպերատիվ-հետախուզական միջոցառումների արդյունքում մարտի 2-ին Արթիկ քաղաքի Գորկու փողոցի հասցեներից մեկում հայտնաբերել, ձերբակալել և բաժին են տեղափոխել Գյումրի քաղաքի բնակիչ 44-ամյա մի տղամարդու: Նա 2025 թ. դեկտեմբերի 19-ից ՌԴ Կրասնոդարի երկրամասի իրավապահների կողմից հետախուզվում էր կողոպուտի մեղադրանքով. խափանման միջոցը՝ կալանք։
Հայտնաբերման մասին հայտնվել է հետախուզումը նախաձեռնողին: