Ձերբակալվել է Բունդեսթագում Ադրբեջանի շահերը պաշտպանելու համար գումար ստացած պատգամավորը
Դատարանը կալանքի օրդեր է տվել Բունդեսթագի նախկին պատգամավորին, որը կասկածվում է կաշառքի դիմաց Ադրբեջանի շահերը լոբբինգ անելու համար: Դրանից հետո Աքսել Ֆիշերին տեղափոխել են քննչական մեկուսարան, տեղեկացնում է DW-ն։ Նախկին պատգամավորը բազմիցս բաց է թողել դատական նիստերը, իսկ մինչ այդ այցելել է կլինիկա։ Սակայն դատարանի նշանակած փորձագետները պարզել են, որ Ֆիշերը կարող էր մասնակցել առնվազն երկու բաց թողնած նիստին։ Ի վերջո, նա կալանավորվել է Բադ Ցեկինգենի հիվանդանոցներից մեկում։ Ֆիշերի փաստաբանները բողոք են ներկայացրել։
Դեկտեմբերի 22-ի դատական նիստի ժամանակ նախկին պատգամավորը հայտարարել է իր անմեղության մասին։ Հաջորդ նիստը կկայանա հունվարի սկզբին, այդ ընթացքում նա կգտնվի Մյունխենի Շտադելհայմ բանտի քննչական մեկուսարանում։ Հիմնական մեղադրանքներից մեկի ժամկետը լրանալու է հունվարին, սակայն իրավապահ մարմինների աշխատակիցները վստահ են, որ դատարանը ժամանակին որոշում կկայացնի:
Աքսել Ֆիշերը 1998-2021 թվականներին Բունդեսթագի անդամ է եղել Քրիստոնեա-դեմոկրատական միություն կուսակցությունից, իսկ 2010 թվականից՝ նաև Եվրոպայի խորհրդի խորհրդարանական վեհաժողովի անդամ: 2018 թվականին պարզվել է, որ ԵԽԽՎ որոշ անդամներ կաշառք են ստացել Ադրբեջանի իշխանություններից՝ Եվրոպայում իրենց շահերը պաշտպանելու և առաջ մղելու համար։ Ըստ քննության՝ Ֆիշերը փողի համար քվեարկել է հօգուտ Բաքվի, արել է ադրբեջանամետ հայտարարություններ և գաղտնի փաստաթղթեր է փոխանցել: Այս տվյալների համաձայն՝ Բունդեսթագի նախկին պատգամավորը 2011-2014 թվականներին Բաքվից ստացել է 58000 եվրո, իսկ 2015-2016 թվականներին՝ ևս 26300 եվրո։
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին