Ձերբակալվել է Վրաստանի պետական անվտանգության ծառայության նախկին ղեկավարը
Վրաստանի պետական անվտանգության ծառայության նախկին ղեկավար Գրիգոլ Լիլուաշվիլին ձերբակալվել է, այսօր ճեպազրույցում հայտնել է գլխավոր դատախազ Գիորգի Գվարամաձեն։ Վրաստանի հանրային հեռուստատեսությունը հայտնում է, որ Լիլուաշվիլին մեղադրվում է 1 մլն 365 հազ դոլար կաշառք ստանալու մեջ։
«Քրեական գործով իրականացվել են հարյուրավոր քննչական գործողություններ, հարցաքննվել են վկաներ, որոնց ցուցմունքներով հաստատվում են Գրիգոլ Լիլուաշվիլու և այլ անձանց կողմից հանցանքների կատարումը։ Բացի այդ, առգրավվել են հանցանքը հաստատող տարբեր ապացույցներ, այդ թվում՝ տեսագրություններ և ձայնագրություններ»,- ասել է Գվարամաձեն։
Գրիգոլ Լիլուաշվիլին Վրաստանի պետական անվտանգության ծառայությունը ղեկավարել է 2019-2025 թվականներին։ Մինչեւ այդ՝ 2016-17 թվականներին եղել է պատգամավոր։
Նա քաղաքականություն է եկել բիզնեսից, համարվել է իշխանական «Վրացական երազանք» կուսակցության առաջնորդ, միլիարդատեր Բիձինա Իվանիշվիլլին մերձավոր անձ։
2025 թվականի հոկտեմբերի 17-ին Լիլուաշվիլիի բնակարանում խուզարկություն է անցկացվել իշխանության տապալման դավադրության կասկածանքով քննության շրջանակում։
ՀՀ տարածքում Ադրբեջանի ԶՈՒ դիրք չի կառուցվել. ՊՆ մամուլի խոսնակ
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ է աղմկում Երևանը
Մասնագիտական ուսուցումը կարող է ավելի գրավիչ դառնալ
Ինչո՞ւ չունենք կանաչ Երևան
Անչափահասների կողմից կատարված հանցագործություններ. 2025 թվական
Տղամարդն Իրանից Հայասատան է տեղափոխել 22 կգ թմրամիջոցով պարկ
Կորեան կամրապնդի իր բարեկամությունն ու կապերը Չինաստանի հետ
Կոռուպցիոն գործերով 2025 թվականին վերականգնված գումարի չափը շուրջ 4 անգամ գերազանցել է 2024 թվականի ...