Մարկ Ցուկերբերգը թանկարժեք Rolex-ն ու Patek Philippe-ը «փոխարինել է» էժան Casio-ով

Մարկ Ցուկերբերգը ցնցել է իր հազվագյուտ և թանկարժեք ժամացույցներով, որոնք, սակայն,ըստ երևույթին, հոգնեցրել են միլիարդատիրոջը, և նա որոշել է դրանք «փոխարինել» էժան Casio-ով։

Colin and Samir փոդքաստում Meta-ի գործադիր տնօրենին նկատել են 125 դոլար արժողությամբ Casio G-Shock GA-2100WS-7A համեստ ժամացույցով:

Այս կոնկրետ մոդելը, որը 2023 թվականի ապրանքանիշի սեզոնային հավաքածուի մի մասն էր, առանձնանում է պաշտպանիչ ածխածնային միջուկով, սպիտակ խեժով պատյանով և վառ նուրբ կապույտ թվատախտակով: Համաձայնեք՝ կտրուկ հակադրություն Rolex և Patek Philippe հեղինակավոր ժամացույցներին, որոնցով նա վերջերս նկատվել էր:

Ցուկերբերգի հավաքածուն, ի թիվս այլ բաների, ներառում է Rolex Daytona «Le Mans» և Patek Philippe Grand Complication-ը, որն արժե 1,2 միլիոն դոլար:

Այնուամենայնիվ, Casio G-Shocks-ի նրա ընտրությունը, որը հայտնի է իր մատչելիությամբ, դիմացկունությամբ և կուլտային կարգավիճակով, հուշում է, որ գործնականությունն ու նոստալգիան դեռևս տեղ ունեն նրա հավաքածուում:

GA-2100WS-7A-ը, որը հաճախ կոչվում է «CasiOak»՝ Audemars Piguet Royal Oak-ին նմանության համար, թեթև, բայց դիմացկուն ժամացույց է, որը նախատեսված է ամենօրյա կրելու համար: Նրբագեղ ութանկյուն շրջանակով և վառ գունային սխեմայով այն մարմնավորում է փողոցային ոճն ու կայունությունը, ինչն այս ժամացույցը դարձնում է սիրելի ֆունկցիոնալություն փնտրողների շրջանում:

Ի դեպ, Բիլ Գեյթսը ևս այն միլիարդատերերից է, ով երկար տարիներ հպարտորեն կրել է Casio ժամացույցներ։