Ժողովրդի պահանջը և բոյկոտը մնում են ուժի մեջ․ մեկ ուղևորությունը՝ 100 դրամ․ Մարության

«Ոչ մի թիվ չունեն, ոչ մի հաշվարկ չկա նրանց որոշման տակ․ նպատակը միայն ժողովրդին թալանելն է»։ Այս մասին այսօր՝ հունվարի 28-ին, ֆեյսբուքյան ուղիղ եթերով ասել է Երևանի նախկին քաղաքապետ Հայկ Մարությանը՝ անդրադառնալով Տիգրան Ավինյանի կողմից արված հայտարարությանն այն մասին, որ 2025 թվականին մեկ ուղևորության համար գործելու է 150 դրամ արժեքը։

«Սա էլ քիչ է՝ ասում են մինչև 2025 թվականի վերջ է գործելու, հետո նորից կարող է թանկանալ։ Հիշեցնում եմ, որ ժողովրդի պահանջը մեկ ուղևորությունը 150 դրամ չէ, 100 դրամն է։ Այս պահանջը և բոյկոտը մնում են ուժի մեջ»,-ասել է Մարությանը։

Այս թեմայով Կարող ենք գործադուլ, դասադուլ անել, կամ ընդհանրապես չօգտվել տրանսպորտից, այն, ինչ արել ենք 2013-ին. Հայկ Մարության «Դուք էլ փողկապ կապեք մեր նման». ավագանու ԲՀԿ-ական անդամը փողկապ նվիրեց Հայկ Մարությանին (տեսանյութ)