Մադրիդի «Ռեալ»-ը 5:2 հաշվով հաղթել է «Սելտա»-ին և շարունակում է պայքարը

Հանդիպման հաշիվը 37-րդ րոպեին բացեց Կիլիան Մբապեն։ Երկրորդ գոլը խփեց Վինիսիուս Ժունիորը 48-րդ րոպեին։

77-րդ րոպեին գոլ խփեց նաև Արդա Գյուլերը, սակայն VAR-ի միջոցով հանդիպման մրցավարը չեղարկեց այն։ «Սելտան» հաշվի տարբերությունը կրճատեց 83-րդ րոպեին։ Գոլ խփեց Ժոնաթան Բամբան։

Երկրորդ խաղակեսի վերջնամասում «Ռեալը» ևս մեկ գոլ բաց թողեց․ այս անգամ գոլ խփեց «սերուցքայինների» նախկին ֆուտբոլիստ Մարկոս Ալոնսոն, ով անվրեպ իրացրեց նշանակված 11 մետրանոցը։

Լրացուցիչ ժամանակում «Ռեալը» կարողացավ ևս 3 գնդակ ուղարկել մրցակցի դարպասը․ դուբլ ձևակերպեց Էնդրիկը, մեկ անգամ աչքի ընկավ Ֆեդերիկո Վալվերդեն։

Այսպիսով, քառորդ եզրափակչի ուղեգրեր են նվաճել «Բարսելոնան», «Ռեալը», «Վալենսիան», «Խետաֆեն», «Լեգանեսը», «Ատլետիկոն», «Ռեալ Սոսյեդադը» և «Օսասունան»։