Ձեր հոր հայտարարությունից հետո չպե՞տք է հրաժարական տայիք. Հարց Տիգրան Ավինյանին

Ամեն մի լրատվամիջոց այս օրերին վստահորեն իր քաղաքական դիրքորոշումները շատ հստակ արտահայտում է և մենք չենք կաշկանդում լրատվամիջոցներին իրենց քաղաքական հայացքներն արտահայտել: Այս մասին, այսօր՝ հունվարի 14-ին, լրագրողների հետ զրույցում նշեց Երևանի քաղաքապետ։ Տիգրան Ավինյանը՝ անդրադառնալով դիտարկմանը, որ թեեւ ինքը ներողություն խնդրեց իր հոր հայտարարության համար, բայց դա այնքան աղմկահարույց էր, որ ինքը պետք է հրաժարական ներկայացնի:

«Ես հասկանում եմ, որ ձեր լրատվականը խնդիր ունի լուծելու, ես էլ ունեմ այդ խնդրին չաջակցելու խնդիր։ Ի՞նչ ասեմ։ Ամեն մեկն իր օրակարգով է շարժվում։ Ձեր խնդիրն է որոշ պաշտոնյաներին թիրախավորելը և տարատեսակ ձեւերով մաքսիմալ նեգատիվ կերպով ներկայացնելը։ Դա նույնպես ընդունելի օրակարգ է, շատ լավ է,

Երբ հրավիրվում է լրատվամիջոցը ինչ որ մակարդակով քաղաքապետի հետ քննարկման և անտեսում է այդ հրավերը, ես էլ, թույլ տվեք, ինձ իրավունք վերապահեմ, այդ լրատվամիջոցի հարցերին չպատասխանելու։

Ես շատ մեծ խնդիրներ եմ տեսնում մեր լրատվական դաշտում և ուզում էի կիսել իմ մտահոգությունները, որոնք միայն իմ մտահոգությունները չեն, դա նաև քաղաքացիներին են»,-ասաց Ավինյանը՝ վստահեցնելով, որ ինքը պարբերաբար հետեւում է քաղաքացիների կարծիքներին, խոսում է մարդկանց հետ:

Հարցին՝ հետևո՞ւմ է, թե մարդիկ ինչ կարծիք ունեն տրանսպորտի թանկացման հետ կապված, քաղաքապետը պատասխանեց. «Իհարկե, հետևում եմ, խոսում եմ մարդկանց հետ, լսում եմ, փորձում ենք բոլոր խնդիրները վերհանել և բոլոր խնդիրները պարբերաբար լուծել»:

Հիշեցնենք, որ Տիգրան Ավինյանի հայրը «Օպելների» վարորդներին համբալ էր անվանել, որոնք իրենց «գեղի  «Օպելներով» եկել լցվել են Երեւան, և իրենց համար պետք է կարմիր գծերի արժեքը դարձնել 500 հազար դրամ:

Այս թեմայով Վերազինվում է «Սուրբ Աստվածամայր» ԲԿ-ն Քաղաքապետը հանձնարարել է ինտենսիվ վերահսկողություն իրականացնել (տեսանյութ) Աջափնյակի մետրոյի կայարանի կառուցման հատվածում ունենալու ենք բիզնես կենտրոն. Ավինյան Կոմիտասի պողոտայի բոլոր մայթերը հիմնանորոգվում են Փետրվարի կեսերին փոսալցման մեծ ծավալի աշխատանք ենք տեսնում. Ավինյան