Ժամանակն է, որ Քոչարյանի գործը քննող դատավորը ՍՄՍ գրի Փաշինյանին․ «Կարճ ասած»
Ինչևէ, ՍՄՍ-ի մասին լսելով՝ նախկին ՔՊ-ական դատավորը դուրս եկավ հունից, կտրուկ լարվեց, խառնվեց իրար, նկատողություն հայտարարեց, թե՝ ես անկախ, անաչառ, էս ի՞նչ եք ասում, ի՞նչ ՍՄՍ։ Իսկ ինչի՞ լարվեց, կարող է՞ իրոք գրել է, ուղիղ։ Ո՞նց էր գրել ԲԴԽ նախագահին, որը պետք է երաշխավորեր դատարանների անկախությունը։
Ո՞վ է եղել դատավոր Պետրոսյանը․ Նիկոլ Փաշինյանի թիմակիցը, ուղղակի ՔՊ անդամ չի եղել, այլ էն կարգի է նրան գնահատել Նիկոլը, որ ներառել է ՔՊ պատգամավորական թեկնածուների ցանկ։ Նիկոլն ասել է դատավորները վնգստում են, ձայն չես հանել, Նիկոլն ասել է՝ կա՞ տենց դատավոր, որ իմ ասածը չանի, ձայն չես հանել, Նիկոլն ասել է շրջափակեք դատարանների դռները, ծպտուն չես հանել, չնայած որ քեզ համար, ինչպես ասում ես, պետությունը, պետականությունը, հիմնը կարևոր են։ Հիմա արդյո՞ք չենք կարող ունենալ կասկածներ, որ դու Նիկոլից ստանում ես ՍՄՍ-ներ, ինչպես ստանում են իր պատգամավոր թիմակիցները, նախարար թիմակիցները, ԲԴԽ նախագահ թիմակիցը, հակակոռուպցիոնի նախագահ թիմակիցը, ՔԿ նախագահ թիմակիցը։ Այսինքն Նիկոլ Փաշինյանի նախկին թիմակից, այժմ դատավոր Սարգիս Պետրոսյանը կարո՞ղ է ասել, թե ինչու Նիկոլը կարող է ՍՄՍ ուղարկել ի պաշտոնե անկախ ԲԴԽ նախագահին, բայց չի կարող ՍՄՍ ուղարկել իր կողմից ստեղծված հակակոռուպցիոն դատարանի դատավորին, որը իր նախկին և գուցե նաև ներկա թիմակիցն է։
Եթե դու հարգում ես ՀՀ սահմանադրությունը, ինչպես դու ես ասում, ո՞նց ես համարձակվում քննել քրեական գործ էդքան հակաիրավական, որի տակ անգամ մեղադրանք չէին կարողանում գտնել-դնել։
Էսօրվա դատական նիստի ամենախնդրահարույց կետը, որից հիմնավորվեցին կասկածները ինձ համար ու կարծում եմ՝ շատերի համար, որ դատավորը, այնուաենայնիվ, ստանում է ՍՄՍ-ներ․ Նիկոլ Փաշինյանը հայտարարում էր, որ իրեն անհանգստացնում է դատավճիռների քիչ լինելը, դրանից հետո ԲԴԽ-ն թողարկում է տեսանյութ, թե որ դատավորներն են ձգձգում գործերը, ու դա վերաբերում է առաջինը Ռոբերտ Քոչարյանի վերաբերյալ հակասահմանադրական ու շինծու գործին։ Օրերս Նիկոլ Փաշինյանը էլի նյարդայնանում էր, որ ձգձգվում են և այլն։ Ու էսօր դատավորը, որ առանց մեղադրանքի գործն էր քննում, ասում է՝ անաչառ դիտորդի մոտ կասկածներ են առաջանում, որ սա շատ է ձգձգվում։ Եվ հիմա հարց, ո՞վ է անաչառ դիտորդը, ըստ նախկին ՔՊ-ական դատավոր Սարգիս Պետրոսյանի, Նիկոլ Փաշինյա՞նը։
Ինչո՞ւ եք այդքան ափալ-թափալ, օրենքների կոպիտ ախտումով քննում, չլինի՞ վախենում եք, որ մի ռեպորտաժ էլ ձեզ նվիրեն, ու դրան հաջորդի ՍՄՍ-ով հորդորը։ Լավ, իսկ ինչպե՞ս եղավ, որ հենց իրեն մակագրվեց այդ գործը։ 2018 թվականից ի վեր, շատ զավեշտալի բաներ են կատարվում Ռոբերտ Քոչարյանի վերաբերյալ գործով․ ՀՔԾ տնօրեն Սասուն Խաչատրյանը, ԱԱԾ տնօրեն Արթուր Վանեցյանը և Նիկոլ Փաշինյանը քննարկում են ուզած չուզած՝ կալանք տալու հարցը։ Ամիսներ անց գաղտնալսումներ են ի հայտ գալիս այս մասով։ Հետո զոռով, ԲԴԽ նախագահի գլխին սարքելով, հանում են ու նոր նախագահ է դառնում Գագիկ Ջհանգիրյանը, որը հետո ձայնագրություններից պարզվում է՝ գործուղվել է ԲԴԽ, որ դատական գործերով, հրահանգներով անի այնպես, որ Քոչարյանն իշխանության չգա։ Ու էսօր, երկար ու ամոթալի ճանապարհ անցնելուց հետո, էդ աբսուրդ քրեական գործը մակագրվում է մի դատավորի, որը ՔՊ-ական է եղել ու ինքը ասում է՝ էլ ՔՊ-ական չեմ։ Ամեն անգամ, ինչ էլ ասես, հանրութունը մտածելու է, որ դու ուղղորդված գործ ես անում։ Որովհետև մենք տեսել ենք, որ այս գործը, էն գլխից եղել է քաղաքական և ուղորդված։ Դրա տակ լիքը ձայնագրություններ կան՝ ապօրինությունների մասին։
Լավ, ի՞նչ պետք է անի դատավոր Սարգիս Պետրոսյանը, եթե ուզում է երևալ անաչառ․ այս գործը ինչպես երկրորդ նախագահն ասաց, օրինական ճանապարհով չի կարող ունենալ շարունակություն։ Դատավորն ընդամենը կարող է իր նախկին, թե ներկա ու ընդհանրապես կուսակից վերնախավին, իր ասած անաչառ դիտորդներին, որ հրահրում են արագ-արագ քննել-վճիռ ստանալ, օրենքների բռնաբարությամբ, եթե էդքան դուխ ունի, կարող է հաջորդ անգամ երբ իրեն դիմեն, ասի՝ հարգելի կառավարություն, 6 տարի դատարանններում ու քննչականներում մաշվող էս աբսուրդ գործը իմ վարույթից վերցրեք, տարեք կառավարության նիստերի օրակարգ մտցրեք․ դուք, մեկ է, չունեք խնդիր օրենքը խախտելու հետ, կարողանում եք հիմնի տեքստն էլ փոխեք, անկախության հռչակագիրն էլ փոխեք, երկրի սահմաններն էլ փոխեք։ Ուրեմն Ռոբերտ Քոչարյանի վերաբերյալ գործը տարեք-կառավարության նիստի օրակարգ մտցրեք ու վճիռը կայացրեք էնտեղ։ Էդ որ ասում ես՝ «անաչառ դիտորդը» արագացված դատական պրոցես է սպասում, առաջարկում եմ էս ճանապարհով գնաս, էս անգամ էլ դու ՍՄՍ գրես էդ անաչառ դիտորդին։ Չէ՞ որ ՔՊ-ն համարում ա, որ ինքը հանրությունն է, անաչառ դիտորդն է, ժողովուրդն է, էս է, էն է։ Դուք մեռաք ժողովրդի անունից խոսելով ու սրիկայություն անելով։
Կարճ ասած՝ թե ինչ է ուզում ձեր ասած անաչառ դիտորդը էս գործից, լավ գիտենք, բայց նաև լավ գիտենք, թե ինչ է ուզում հանրությունը, ժողովուրդը։ Ժողովրդին այս քրեական գործը, վստահեցնում եմ, չի հետաքրքրում։ Ժողովուրդն ուզում է լավ ապրել, ուզում է, որ մեջքը ուղղի, էս ամոթից դուրս գա, ուզում է, որ իրեն տված խոստումները կատարեք։ Էն որ ինչ-որ մարդիկ էլի իրենց դրել են անաչառ դիտորդի ու ժողովրդի տեղը և Քոչարյանի՝ քաղաքականությունից հեռանալ կամ իշխանության չվերադառնալ են երազում, համոզված եմ, որ դա չէ ժողովրդի ուզածը։ Շատ մեծ հարց է՝ եթե հիմա անաչառ հարցում անեն՝ մարդիկ ո՞ւմ կուզենան տեսնել իշխանութան ղեկին, Քոչարյանի՞ն, որ երկիրը 10 տարի պահել է խաղաղության մեջ, շատ ավելի բարեկեցիկ, տնտեսությունը զարգացել է, անգամ ներգաղթ է եղել, թե՞ էս Ալենսիմոնյանա-պապիկյանա-նիկոլախառը զանգվածին, որ ժողովրդի զավակներին զոհում են, ազգային ինքնությունը վերացնում են, Ադրբեջանի սաղ ասածները կատարում են ու արդեն ապագան անգամ չենք պատկերացնում, խաղաղությունն էլ երազանք է․ հարցման պատասխանը, հաստատ, ի վնաս ՔՊ-ի է լինելու։
Հովիկ Աղազարյանի նյարդերը տեղի տվեցին. դիմում` ԱԺ նախագահին
Արդեն նախկին ՔՊ-ականը Նիկոլի մասին բացահայտումներ է անում․ «Կարճ ասած»
ՆԳ նախարար Արփինե Սարգսյանի հրամաններով կադրային փոփոխություններ են տեղի ունեցել Պարեկային ծառայությ...
Մահացած 4-ամյա երեխայի մոտ դիահերձմամբ ուռուցք է հայտնաբերվել
Նիկոլի խոփը Հովիկի քարին է դեմ առել
Պողոսյանի դժբախտ դեպքն են միշտ հիշում, իրենք հազարավոր երեխաների տարան, կոտորեցին․ Քոչարյան (տեսանյո...
Անդրանիկ Քոչարյանը կանգնել է ՔՊ վարչության առջև ու ներողություն խնդրել
Հրապարակվել են «օրենքով գող» Շահումյանցի Ժիրոյի ձերբակալության կադրերը (տեսանյութ)
Ես հարցրեցի՝ պարոն վարչապետ, այս ամենը, որ ցույց եք տալիս ինձ, օրինակա՞ն է, նա ասաց՝ դա հիմա կարևոր ...
Եթե Արցախը «հղի կին էր», ապա Փաշինյանը սպանեց նրան այնպես, ինչպես իր շարասյունը՝ իրական հղի կնոջը. Լ...