Rolls-Royce-ի և BMW-ի դիզայներին սպանել են առանձնատանը՝ նրա մեքենան փախցնելու փորձի պահին
Յան Քեմերոնը, որն, ըստ էության, Rolls-Royce-ի դիզայնի վերականգնման միանձնյա պատասխանատուն էր, երբ 2003 թվականին գերմանական BMW-ն գնեց բրիտանական աշխարհահռչակ բրենդը, մահացու դանակահարվել է հուլիսի 12-ին Բավարիայի Ամեր լճափի իր առանձնատանը, գրում է Jalopnik-ը։
Գերմանիայի իշխանությունները կասկածում են, որ հանցագործության վայրից փախուստի դիմած անհայտ հանցագործը փորձել է առևանգել Քեմերոնի մեծածավալ հավաքածուից թանկարժեք ավտոմեքենան:
Քեմերոնի կնոջը՝ նկարչուհի և դիզայներ Վերենա Կլոոսին հաջողվել է փախչել ամուսնուն սպանած հանցագործից։ Նա պատնեշի վրայով բարձրացել է հարևանի տուն և միջադեպի մասին հայտնել փրկության ծառայությանը:
Գերմանական Bild պարբերականը հայտնել է, որ Քեմերոնի տան տեսահսկման համակարգը անջատվել է։ Գերմանիայում համազգային հետախուզում է իրականացվում կասկածյալի նկատմամբ, որն, ըստ նկարագրության, դեղնականաչ ձեռնոցներով, մուգ շապիկ և բաց գույնի տաբատ հագած 180-190 սմ հասակով տղամարդ է։ Հայտնի է դարձել նաև, որ հանցագործը կարմիր ուսապարկով էր, որն, ըստ ամենայնի, հայտնաբերվել է Ամեր լճի առափնյա փողոցում։ Տարածքը սանրել են շներով, ջրասուզակներով և անօդաչու թռչող սարքերով, մարդասպանին, ըստ երևույթին, հաջողվել է խույս տալ ոստիկանության հետապնդումից:
Քեմերոնը բրիտանական Rolls-Royce-ից հեռացել էր 2012 թվականին՝ մեկ տասնամյակ շարունակ համակարգելով գերշքեղ ապրանքանիշի բարելավման, վերակառուցման, վերականգնման գործընթացը՝ առանց դրա ենթակառուցվածքի էկոհամակարգի ամբողջականության ոչնչացման: Նրա աշխատանքը ներառում էր Phantom և Ghost թանկարժեք մոդելները: Երբ Քեմերոնի նշանակվեց Rolls-Royce-ի դիզայնի բաժնի ղեկավար, նա արդեն 11 տարի աշխատում էր BMW-ում և ցնցող Z8 GT ավտոմեքնայի և մեծ ժողովրդականություն վայելլող երրորդ սերնդի Range Rover-ի դիզայնի հեղինակն էր:
Նախքան BMW-ում աշխատելը, Քեմերոնն իր կարիերայի սկզբն անցկացրել է իտալական Pininfarina-ում աշխատելով, այնուհետև աշխատել է Industrial Vehicles Corporation-ում (Iveco) խոշոր բեռնատարների դիզայնի մշակման վրա։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...