«Նապոլի»-ի նախագահը, որպես մոտիվացիա, խաղացողներին 10 միլիոն եվրո է խոստացել «Բարսելոնա»-ին հաղթելու դեպքում

Իտալական «Նապոլի» ֆուտբոլային ակումբի նախագահ Աուրելիո Դե Լաուրենտիսը իր խաղացողներին խոստացել է 10 միլիոն եվրո վճարել ՈՒԵՖԱ-ի Չեմպիոնների լիգայի 1/8 եզրափակիչում կատալոնական «Բարսելոնա»-ի նկատմամբ հաղթանակ տանելու դեպքում։

«Բարսելոնա»-«Նապոլի» հանդիպումը կկայանա այսօր՝ մարտի 12-ին Բարսելոնայում:

Ինչպես տեղեկացնում է La Gazzetta dello Sport-ը, մարտի 9-ին Աուրելիո Դե Լաուրենտիսը Castel Volturno մարզական կենտրոնում հանդիպել է Նապոլիի ֆուտբոլիստների հետ։ Նրանք քննարկել են «Նապոլիի»՝ «Տորինո»-ի հետ մարտի 8-ին կայացած վերջին հանդիպման արդյունքները, որն ավարտվել է 1։1 հաշվով։

Որպես մոտիվացիա «Բարսելոնա»-ի հետ խաղից առաջ «Նապոլի»-ի նախագահը ֆուտբոլիստներին 10 միլիոն եվրո է խոստացել։