Rolex-ի վաճառքն առաջին անգամ գերազանցել է 10 միլիարդ դոլարը
Rolex-ի վաճառքն առաջին անգամ գերազանցել է 10 միլիարդ դոլարը, հայտնում է Morgan Stanley-ն։ Շվեյցարական շքեղ ժամացույցների գերիշխող բրենդը 2023 թվականին արտադրել է 1,24 միլիոն ժամացույց՝ 10,1 միլիարդ շվեյցարական ֆրանկ (11,5 միլիարդ դոլար) վաճառքով:
Դա 11% աճ է 2022 թվականի համեմատ, ասել են Morgan Stanley-ի և շվեյցարական LuxeConsult ընկերության վերլուծաբանները՝ հավելելով, որ Rolex-ի շուկայական մասնաբաժնի ներկայիս մակարդակը «աննախադեպ է»:
Daytona, Submariner և Datejust մոդելների արտադրողը մեծացրել է մանրածախ շուկայի իր մասնաբաժինը մինչև 30%: «Ոչ մի այլ շքեղ ապրանքանիշ չի կարող հավակնել նման գերիշխող դիրքի իր ոլորտում», - ասվում է զեկույցում:
Ըստ վերլուծաբանների՝ անցյալ տարի Louis Vuitton-ը շքեղ պայուսակների շուկայում ուներ մոտ 19% մասնաբաժին:
Rolex ապրանքանիշը «մնում է անվիճելի թիվ 1-ը շքեղ ժամացույցների արդյունաբերության մեջ՝ ավելի մեծ վաճառքով, քան Cartier-ը, Omega-ն, Audemars Piguet-ը, Patek Philippe-ը և Richard Mille-ն միասին վերցրած», - ասում են նրանք:
Շվեյցարական շքեղ ժամացույցների վաճառքը դեռևս վերահսկվում է մի քանի բրենդների կողմից, որոնց տարեկան վաճառքը կազմում է ավելի քան 1 միլիարդ ֆրանկ: Vacheron Constantin-ը, որը վերահսկվում է Richemont-ի կողմից, 2023 թվականին առաջին անգամ միացել է 1 միլիարդ ֆրանկի վաճառքի էլիտար ակումբին։
Սպեկտրի մյուս ծայրում է Swatch Group AG-ի համանուն ապրանքանիշը, որը 2023 թվականին վաճառել է ավելի քան 2 միլիոն MoonSwatch մոդել և ընդհանուր առմամբ մոտ 5,8 միլիոն ժամացույց՝ 141 ֆրանկ միջին գնով, ասում են վերլուծաբանները։ Omega-ի հետ համատեղ ստեղծված MoonSwatch-ի հաջողության շնորհիվ Swatch-ը երկրորդ տարին անընդմեջ դարձավ ժամացույցների ամենաարագ զարգացող ապրանքանիշը:
Morgan Stanley-ի և LuxeConsult-ի թվերը գնահատականներ են, քանի որ շվեյցարական ժամացույցների ապրանքանիշերը, ներառյալ Rolex-ը, չեն բացահայտում իրենց անհատական տարեկան վաճառքները:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...