1723 տարվա պատմություն ունի մեր հավատը, իսկ այսօր դավ ենք կազմակերպում եկեղեցու դեմ. սա՞ է մեր հավատքը. Տեր Հովհաննես
Եթե Արցախի ղեկավարությունը եւ Արցախի պաշտպաները, զինվորները այսօր գտնվում են գերության մեջ, ուրեմն Արցախը գերության մեջ է, ուրեմն արցախահայությունը գերության մեջ է, ուրեմն հայ ժողովուրդը գերության մեջ է: Այս մասին պատարագից հետո իր քարոզում ասաց Դադիվանքի նախկին վանահայր Տեր Հովհաննեսը, որն այժմ ծառայություն է իրականացնում Եռաբլուրի Սրբոց Վարդանանց Նահատակաց եկեղեցում:
«Մենք ինչ քայլեր ենք անում, որպեսզի մեր գերեվարված տղաներին հետ բերենք եւ խոսում ենք հավատքից: Սիրելի հայորդիներ, ինչպես գիտեք 301 թվականին, քրիստոնեությունը ընդունվեց որպես պետական կրոն Հայաստանում: Այո, 1723 տարվա պատմություն ունի հայ ժողովուրդը, Հայաստանը եւ մեր հավատքը, իսկ այսօր մենք դավ ենք կազմակերպում եկեղեցու դեմ: Սա՞ է մեր հավատքը:
Էլ ինչ քրիստոնյան, եթե մենք քրիստոյա ենք ու հարձակվում ենք եկեղեցու վրա, քարկոծում ենք եկեղեցին, դա՞ է մեր հավատը: Եւ այսօր էլ չար մարդիկ համախմբվում են, որպեսզի մոտակա օրերը գնան ու քարկոծեն հայ առաքելական Սուրբ եկեղեցու հոգեւոր հայրերին, առաջնորդին եւ եկեղեցուն»,-ասաց նա:
Տեր Հովհաննեսը նշում է, որ հավատն առանց գործի ունայն է. «Եթե տեսնում եք չար մարդկանց, ովքեր հալածում են եկեղեցին, միթե դրանք հայրեն են, միթե դրանք քրիստոնյաներ են: Այսօր ժողովուրդը չի համախմբվում հավատքի շուրջ: Հայ ժողովրդին հատաքն է պահել մինչեւ այսօր, եկեղեցին է պահել մինչեւ այսօր, մեր Տեր Հիսուս Քրիստոսի օրհնությունն է պահել մինեչւ այսօր, Սուրբ խաչն է պահել մինչեւ այսօր: Իսկ այսօր մենք եկեղեցուն դեմ ենք, եկեք չխաբենք մեզ, մեր սերնդին, մեր երեխաներին, որ մենք քրիստոնյաենք, հայ ենք, եկեք գործով ապացուցենք, այն ժամանակ ես կհավատամ, որ մեր հավատքը զորեղ է»:
Ավելի վաղ Եռաբլուրի Սրբոց Վարդանանց Նահատակաց եկեղեցում, Տեր Հովհաննես քահանա Հովհաննիսյանի ձեռամբ անցկացվել է Բանակի օրվան նվիրված կիրակնօրյա սուրբ պատարագ, որին հաջորդել է համատեղ աղոթք՝ Բաքվում ապօրինաբար պահվող հայ գերիների ազատության ու վերադարձի համար։
Աղոթքից հետո մասնակիցների կողմից ծաղկեպսակ է տեղադրվել հանուն հայրենիքի իրենց կյանքը զոհաբերած հերոսների հիշատակը հավերժացնող հուշապատին:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին