Բաքվում խոսել են պատանդի կարգավիճակում գտնվող Արցախի պետական ու ռազմական գործիչների դեմ հարուցված շինծու գործի մասին

Արհեստածին Ադրբեջանի գլխավոր դատախազը խոսել է առեւանգված ու Բաքվում գտնվող արցախցի պետական ու ռալմական գործիչների նկատմամբ հարուցված շինծու գործի մասին։ 

Նա հայտարարել է, թե ներկայումս իրականացվում են լայնածավալ քննչական գործողություններ, որի ավարտից հետո վերջնական մեղադրանքներ կառաջադրվեն և գործը կուղարկվի դատարան՝ քննության:

«Փաստինֆո»-ն ավելի վաղ հայտնել է, որ ադրբեջանցիներն ավելի քան 9 ամիս շրջափակման մեջ գտնվող Արցախի նկատմամբ սեպտեմբերի 19-ին սանձազերծեց ռազմական ագրեսիա՝ թիրախավորելով խաղաղ բնակիչներին, որոնց տարհանելու հնարավորություն ուղղակի չկար։ Մեկ օր կատաղի դիմադրություն ցույց տալուց հետո՝ Արցախի իշխանությունները պարտադրված ընդունեցին կրակը դադարեցնելու ադրբեջանական պայմանը, այն է՝ լուծարել ՊԲ-ն ու սկսել ինտեգրացիա։ Հաշված օրերի ընթացքում Արցախը հայաթափվեց ու ավելի քան 100.000 հայ գաղթեց Հայաստան։

8 պետական, քաղաքական ու ռազմական գործչի Ադրբեջանն առեւանգել է , որոնք այս պահին գտնվում են Բաքվում պատանդի կարգավիճակում, նրանց թվում են՝ Արցախի նախկին երեք նախագահներ Արայիկ Հարությունյանը, Բակո Սահակյանը, Արկադի Ղուկասյանը, Արցախի ԱԺ նախագահ Դավիթ Իշխանյանը, նախկին պետնախարար Ռուբեն Վարդանյանը, նախկին արտգործնախարար Դավիթ Բաբայանը, նախկին պաշտպանության նախարար Լեւոն Մնացականյանը, պաշտպանության նախկին փոխնախարար Դավիթ Մանուկյանը։