Ամենահարուստ ռուսաստանցիների կարողությունը տարեսկզբից աճել է 38,6 միլիարդ դոլարով. Bloomberg

Ռուսաստանի ամենահարուստ գործարարների կարողությունն այս տարվա սկզբից աճել է 38,575 միլիարդ դոլարով, ասվում է Bloomberg-ի հրապարակած միլիարդատերերի ինդեքսում, որը, մասնավորապես, հաշվարկվում է ընկերության արժեթղթերի արժեքի հիման վրա։

Ըստ Bloomberg Billionaires Index-ի՝ տարեսկզբից Лукойл-ի հիմնադիր Վագիտ Ալեքպերովը վաստակել է 9,14 մլրդ դոլար, նրա կարողությունը հասել է 24,5 մլրդ դոլարի։

Еврохим-ի և Սիբիրյան ածխի էներգետիկ ընկերությամ համահիմնադիր Անդրեյ Մելնիչենկոյի կարողությունն աճել է 4,03 մլրդ դոլարով՝ մինչև 17,2 մլրդ դոլար, միևնույն ժամանակ, Лукойл-ի նախկին փոխնախագահ Լեոնիդ Ֆեդունը վաստակել է 3,89 մլրդ դոլար, նրա կարողությունը կազմում է 9,76 մլրդ դոլար։

Ամենամեծ կորուստները կրել է Դաղստանի Հանրապետությունից Դաշնային խորհրդի անդամ, ձեռնարկատեր Սուլեյման Քերիմովը, նրա կարողությունը նվազել է 0,65 միլիարդ դոլարով և կազմել 8,34 միլիարդ դոլար:

2012 թվականի մարտից գործակալությունը հրապարակում է Bloomberg Billionaires Index-ը, որը ներառում է տեղեկատվություն մոլորակի 500 ամենահարուստ մարդկանց կարողության մասին։