ԼՂ-ում զոհված խաղաղապահների ընտանիքները 1 մլն ռուբլի չափով օգնություն կստանան
Լեռնային Ղարաբաղում զոհված խաղաղապահների ընտանիքներին 1 մլն ռուբլու օգնություն կտրամադրվի Ռուսաստանի Խաղաղության հիմնադրամից (ՌԽՀ), իր Telegram ալիքում հայտնել է ՌԽՀ վարչության նախագահ, ՌԼԴԿ-ի առաջնորդ Լեոնիդ Սլուցկին, հաղորդում է ՌԻԱ Նովոստին։
«Լեռնային Ղարաբաղում զոհված խաղաղապահների ընտանիքները 1 միլիոն ռուբլու օգնություն կստանան Ռուսաստանի Խաղաղության հիմնադրամից։ Սեպտեմբերի 20-ին մեր զինվորականները հարձակման ենթարկվեցին և զոհվեցին։ Մենք պարտավոր ենք աջակցել նրանց ընտանիքներին: Ողբերգությունից անցել է մեկ ամիս, բայց մենք թույլ չենք տա, որ այն մոռացվի։ Խաղաղության հիմնադրամը, իմ անձնական վերահսկողության ներքո, կշարունակի օգնել խաղաղապահների հարազատներին»,- գրել է Սլուցկին։
Ըստ ՌԼԴԿ-ի ղեկավարի, Ռուսաստանը պետք է ամեն ինչ անի, որպեսզի հերոսների ընտանիքները մենակ չմնան իրենց դժվարությունների հետ։
«Խաղաղության պահպանումն անվերապահ սխրանք է: Մեր քաջարի մարտիկները իրենց պարտքն էին կատարում՝ պաշտպանելով խաղաղ բնակիչներին, փորձելով կանխել արյունահեղությունը: Նրանց սխրանքը չի մոռացվի: Հավերժ հիշատակ»,- եզրափակել է Սլուցկին:
Ռուսաստանի պաշտպանության նախարարությունը սեպտեմբերի 20-ին հայտնել էր, որ Լեռնային Ղարաբաղի Ջանյաթաղ գյուղի մոտակայքում ռուս խաղաղապահներով մեքենան հրաձգության է ենթարկվել, և զինծառայողները զոհվել են։ Գերատեսչությունը հավելել էր, որ տեղում աշխատում են ՌԴ և Ադրբեջանի քննչական մարմինների ներկայացուցիչները։ Ինչպես հաղորդել է Կրեմլի մամուլի ծառայությունը, Ադրբեջանի նախագահ Իլհամ Ալիևը ներողություն էր խնդրել ՌԴ նախագահ Վլադիմիր Պուտինից և խորը ցավակցություն հայտնել Ղարաբաղում ռուսաստանցի զինվորականների ողբերգական մահվան կապակցությամբ, հայտարարել, որ ռուս խաղաղապահների զոհվելու կապակցությամբ մանրակրկիտ հետաքննություն է իրականացվելու, և մեղավորները կպատժվեն։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...