Լաչինի միջանցքի բացման պահանջով ակցիա ԱԳՆ-ի դիմաց․(տեսանյութ)

«Բացում» քաղաքացիական նախաձեռնությունը ակցիա է իրականացնում ԱԳՆ-ի դիմաց՝ պահանջով, որպեսզի հրատապ կարգով ներկայացվեն բոլոր փաստաթղթերը, որոնք ուղարկվել են միջազգային կառույցներին, պետություններին, այդ թվում՝ ՄԱԿ, ԵՄ, ԵԱՀԿ, ԵԱՀԿ ՄԽ, ԵԽԽՎ, ՄԻԵԴ, ՀԱԱԳԱՅԻ ԴԱՏԱՐԱՆ, ՄԱԿ ԱԽ, ԱՄՆ, ՌԴ, Ֆրանսիա, ՄԲ, ՉԺՀ և այլն՝

 ա) Արցախի շրջափակումը դադարեցնելու և հումանիտար աղետը կանխելու նպատակով:

բ) պաշտպանելու և ետ վերադարձնելու հուլիսի 29-ին Կարմիր Խաչի միջազգային կոմիտեի ուղեկցությամբ Ստեփանակերտից Երևան եկող բուժառու, ՀՀ քաղաքացի պրն Վագիֆ Խաչատրյանին, ով առևանգվել է ադրբեջանական ուժերի կողմից,

գ) պաշտպանելու և ետ վերադարձնելու օգոստոսի 1-ին ադրբեջանցիների կողմից առևանգված Շուշի քաղաքից տեղահանված Հին Շենի բնակիչ պրն Ռաշիդ Բեգլարյանին:

Շրջափակումից ի վեր բոլոր գործողությունների մասով կատարված աշխատանքները՝ հաստատված և ուղարկված փաստաթղթերը, դիմումները պետք է ներկայացվեն:

Առաջարկում ենք հետևել ուղիղ հեռարձակմամբ։