Խաղաղության դարաշրջան մուրող վիժվածքը բերեց մեզ կործանման․ Արցախի պատգամավորը՝ Փաշինյանին

Նիկոլ Փաշինյանը երկիրը ներքաշեց կործանարար պատերազմի մեջ, Արցախից հրաժարվելով՝ Հայաստանի համար նոր մարտահրավերներ բերեց։ Այս մասին Արցախի ԱԺ արտահերթ նիստում հայտարարեց պատգամավոր Նելա Գրիգորյանը։

Նրա խոսքով՝ «խաղաղության դարաշրջան մուրող վիժվածքն» իրենց կործանման է բերել։

«Մեզնից յուրաքանչյուրը պետք է գիտակցի, որ միայն միասին մենք կարող ենք դիմադրել այս ազգադավ գործողություններին։ Անկախ քաղաքական հայացքներից՝ բոլորս պետք է կոշտ արձագանքենք անհայրենիք ու սրբապիղծ նիկոլական ծրագրերի իրականացմանը։ Արցախի կարգավիճակը Ադրբեջանի կազմում հայ ժողովրդի համար որևէ դեպքում ընդունելի համարվել չի կարող։ Իսկ դրա մասին խոսելն ինքնին հանցագործություն է, անշնորհակալ վերաբերմունք արյուն թափած մեր հայրենակիցների նկատմամբ։ Վերջապես, եկեք չմոռանանք, որ առաջին պատերազմի ժամանակ մենք եղել ենք համարձակ, թուրքն էր մեզնից սարսափում։ Այդպես էր, քանի որ մենք ունեինք ամուր պետություն»,- նշեց նա։

Մանրամասները՝ տեսանյութում։