Պեկինի հետ կոնֆլիկտի պատճառով միլիարդատեր Ջեք Ման կորցրել է կարողության կեսը
Alibaba Group-ի համահիմնադիր, չինացի միլիարդատեր Ջեք Ման Չինաստանի իշխանությունների հետ մոտ երկու տարի տևած կոնֆլիկտի պատճառով 30 միլիարդ դոլար է կորցրել իր անձնական կարողությունից։ Այս մասին հայտնում է Business Insider-ը։
Գործարարի կարողությունը ռեկորդային ցածր մակարդակի է հասել այն բանից հետո, երբ Չինաստանի կենտրոնական բանկը 7,12 միլիարդ յուանով (985 միլիոն դոլար ընթացիկ փոխարժեքով) տուգանել է Ant Group տեխնոլոգիական հսկային, որի համահիմնադիրն է Ման:
Հուլիսի 12-ի դրությամբ Մաի կարողությունը կազմում է մոտ 30 միլիարդ դոլար՝ նրա անձնական ֆինանսների շուրջ կեսը 2020-ի հոկտեմբերից ի վեր՝ նախքան Պեկինի հետ կոնֆլիկտը։
Միլիարդատերն սկսեց խնդիրներ ունենալ այն բանից հետո, երբ 2020-ի հոկտեմբերին ելույթ ունեցով, որում քննադատեց Չինաստանի ֆինանսական կարգավորման համակարգը: Շուտով չինական կարգավորիչներն սկսեցին խիստ հսկողության տակ պահել Մաի բոլոր բիզնեսները, այդ թվում՝ Alibaba-ն և Ant-ը: Հենց այդ շրջանում էլ Պեկինը դադարեցրեց նաև Ant-ի արժեթղթերի առաջնային տեղաբաշխումը։
2022-ի աշնանից ի վեր միլիարդատերը, որը ժամանակին Չինաստանի ամենահայտնի ձեռնարկատերն էր, սկսել է խուսափել հրապարակայնությունից: Նրան հանդիպել են Նիդեռլանդներում, Իսպանիայում, Ավստրալիայում, Թաիլանդում և Ճապոնիայում, բայց ոչ հանրային միջոցառումների ժամանակ։ Այս տարվա մարտին նա եկել էր Չինաստան՝ այցելելու դպրոցներից մեկը։
Ըստ ոչ պաշտոնական վարկածի՝ Պեկինը փորձել է համոզել Մաին վերադառնալ մայրցամաք՝ շարունակելու աշխատանքը երկրում, սակայն չինացի գործարարը նախընտրել է մնալ արտերկրում և հեռացել է իր ընկերություններից։ Աղբյուրների համաձայն՝ Ման այժմ մշտապես բնակվում է Տոկիոյում։ Մայիսին նա միացել է Տոկիոյի համալսարանի Տոկիոյի քոլեջին որպես հրավիրյալ պրոֆեսոր։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...