Wall Street Journal․ Սորոսն իր կայսրության հանդեպ հսկողությունը հանձնել է որդուն
Միլիարդատեր Ջորջ Սորոսը 25 միլիարդ դոլար գնահատվող իր կայսրության նկատմամբ վերահսկողությունը փոխանցել է իր որդի Ալեքսին, որը խոստացել է ընտանիքի փողերն օգտագործել էլ ավելի ծայրահեղ ձախ գաղափարների քարոզչության համար:
Սորոսի 37-ամյա ժառանգորդը The Wall Street Journal-ին հայտնել է, որ ավելի է ընդլայնելու իր հոր քաղաքական նպատակները, բայց որդեգրելու է այլ սկզբունքներ, ինչպիսիք են քվեարկության ու հղիության վաղ ընդհատման իրավունքները, սեռային հավասարությունը:
«Ես ավելի հակված եմ քաղաքականությանը»,- իրեն համեմատելով հոր հետ՝ ասել է Ալեքսը: Մեկ տարուց փոքր-ինչ ավելի ժամանակահատվածում նա արդեն 14 անգամ այցելել է Սպիտակ տուն եւ հանդիպել ազդեցիկ դեմոկրատների հետ:
Սորոսի «Բաց հասարակության» ոչ առեւտրային հիմնադրամը տարեկան մոտ 1,5 միլիարդ դոլար է ուղղում խմբերին, «որոնք աջակցում են մարդու իրավունքներին ամբողջ աշխարհում եւ ֆինանսավորում են տարբեր համալսարաններ», փոխանցում է պարբերականը:
Դեկտեմբերին հիմնադրամի խորհուրդը Ալեքսին ընտրեց նախագահ:
Այժմ նա ղեկավարում է հիմնադրամի քաղաքական գործունեությունը եւ հանդիսանում է ընտանիքի միակ անդամը ներդրումային հանձնաժողովում, որը վերահսկում է Սորոսի հիմնադրամի կառավարումը, հսկում հիմնադրամին ֆինանսական ներարկումները:
The Wall Street Journal-ին պատմելով իր նպատակների մասին, Ալեքսը հայտարարել է, որ իրեն անհանգստացնում է հանրապետական Դոնալդ Թրամփի Սպիտակ տուն վերադառնալու հնարավորությունը, ապա հավելել, որ իր ընտանիքը մեծ ներդրում կունենա 2024-ի նախագահական ընտրություններում դեմոկրատներին աջակցելու գործում։
Վերջերս Սորոսի անունը շոշափվել է այն սկանդալային պատմության մեջ, որը կապված է ԱՄՆ նախկին նախագահ Դոնալդ Թրամփին առաջադրված մեղադրանքների հետ:
Թրամփը Սորոսին մեղադրում է Մանհեթենի շրջանային դատախազ Էլվին Բրեգին ֆինանսավորելու մեջ եւ ենթադրում, որ նա է մեղավոր այն գործի հարուցման համար, որով ինքը մեղադրվում է մեծահասակների ֆիլմերի աստղ Սթորմի Դենիելսին լռության դիմաց 130 հազար դոլար վճարելու համար:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...