«Գազպրոմ»-ի եւ ադրբեջանական SOCAR-ի ղեկավարները քննարկել են համագործակցության հնարավոր ուղղությունները
«Գազպրոմ»-ի ղեկավար Ալեքսեյ Միլլերը Ադրբեջանի SOCAR պետական նավթային ընկերության նախագահ Ռովշան Նաջաֆի հետ քննարկել է համագործակցության զարգացման հնարավոր ուղղությունները, հաղորդում է «Գազպրոմ»-ի մամուլի ծառայությունը։
«Այսօր աշխատանքային հանդիպում է կայացել «Գազպրոմ» ՓԲԸ-ի կառավարման խորհրդի նախագահ Ալեքսեյ Միլլերի եւ Ադրբեջանի Հանրապետության պետական նավթային ընկերության (SOCAR) նախագահ Ռովշան Նաջաֆի միջեւ։ Կողմերը քննարկել են ընկերությունների միջեւ փոխգործակցության ընթացքը, ինչպես նաեւ համագործակցության զարգացման հնարավոր ուղղությունները»,- ասվում է հաղորդագրության մեջ։
Անցյալ տարվա նոյեմբերին հաղորդվել էր, որ ռուսական ընկերությունը Ադրբեջան գազի մատակարարումները SOCAR-ի հետ նոր պայմանագրով է սկսել, եւ որ մատակարարումների ծավալը մինչեւ 2023 թվականի մարտ ժամանակահատվածում կկազմի մինչեւ 1 միլիարդ խորանարդ մետր, հայտնում է «Փրայմը»։
«Գազպրոմը» 2000-2006 թվականներին գազ է մատակարարել Ադրբեջանին, սակայն հետո երկիրը սկսել է ավելացնել գազի արդյունահանումը «Շահ Դենիզ» հանքավայրից՝ Վրաստան եւ Թուրքիա արտահանելու համար: 2017-2018 թվականներին մատակարարումները վերսկսվել են։ 2019 թվականից՝ «Շահ Դենիզ»-ի գործարկման երկրորդ փուլից հետո Ադրբեջանը կրկին հրաժարվել է գազ գնել Ռուսաստանից։
SOCAR-ը Ադրբեջանի պետական նավթագազային ընկերությունն է։ Նրա գործունեությունը ներառում է նավթի, բնական գազի եւ գազի կոնդենսատի հետախուզում, արդյունահանում, վերամշակում, փոխադրում եւ իրացում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...