Փոթերը «Չելսիում» կվաստակի 69 միլիոն եվրո

Լոնդոննի «Չելսիի» գլխավոր մարզիչի պաշտոնում նշանակված 47-ամյա անգլիացի մասնագետ Գրեհեմ Փոթերը հինգ տարվա պայմանագրով կվաստակ 69 միլիոն եվրո, հաղորդում է The Telegraph-ը։ Նրա տարեկան աշխատավարձը մոտ 13,8 միլիոն եվրո է։

«Չելսին» «Բրայթոնին» վճարել է 17,2 միլիոն եվրո Փոթերի պայմանագրի վաղաժամ միակողմանի խզման համար։

Գրեհեմ Փոթերը «Բրայթոնը» գլխավորում էր 2019թ․ մայիսից։ Պայմանագիրը նախատեսված էր մինչեւ 2025թ․ հունիս։ Անգլիայի ընթացիկ առաջնության 6 տուրից հետո «Բրայթոնը» 13 միավորով չորրորդ տեղում է։ «Չելսին» ունի 10 միավոր եւ 6-րդն է։

Սեպտեմբերի 7-ին «Չելսին» գլխավոր մարզիչի պաշտոնից հեռացրել էր գերմանացի Թոմաս Տուխելին, որը թիմը գլխավորում էր 2021թ․ հունվարից։ Անգլիական թիմը նրա ղեկավարությամբ նվաճել է Չեմպիոնների լիգայի գավաթը, Եվրոպայի սուպերգավաթը եւ աշխարհի ակումբային չեմպիոնի կոչումը։