Րաֆֆի Հովհաննիսյանի մուտքն Արցախ արգելվել է
«Ժառանգություն» կուսակցությունը պաշտոնական հաղորդագրություն էր տարածել, որով տեղեկացրել էր՝ նախկին արտգործնախարար Րաֆֆի Հովհաննիսյանի մուտքն Արցախ արգելվել է։
Երեկ երեկոյան Ստեփանակերտ՝ թոռան մկրտությանը մեկնելու ճանապարհին, ռուսական խաղաղապահ զորախմբի զինծառայողների կողմից պաշտոնապես խոչընդոտվել է Հայաստանի առաջին արտգործնախարար և «Ժառանգություն» կուսակցության հիմնադիր Րաֆֆի Կ. Հովհաննիսյանի մուտքն Արցախի Հանրապետության տարածք։
«Ցույց տալով նրան իրենց հրամանատարի հրամանը՝ ուղեկցող լուսանկարի հետ միասին, անցակետում գտնվող զինվորները մերժման որևէ հոդաբաշխ պատճառ կամ հիմնավորում չբերեցին, բայց հաստատեցին, որ արգելանքը կարող է լինել պաշտոնական Երևանի «ամենավերևից»:
Արցախի Հանրապետության կառավարությունը՝ անտեղյակ և խիստ զարմացած նման որոշումից, երկար ժամանակ փորձում էր պարզաբանել, ապա և հարթել ապօրինությունը, սակայն՝ ապարդյուն։ Նրա ներկայացուցիչները չբացառեցին Բաքվի բռնապետության հնարավոր առնչությունն այս ամենաթողությանը»,- նշված է հաղորդագրության մեջ։
168.am-ի հետ զրույցում Րաֆֆի Հովհաննիսյանի օգնականը՝ Մամիկոն Սարգսյանը, ասաց, որ տեղեկություն չունեն, թե ինչո՞ւ է արգելվել Րաֆֆի Հովհաննիսյանի մուտքը Արցախ։
«Արգելքի վերաբերյալ որևէ բացատրություն չեն տվել, պարոն Հովհաննիսյանին պարզապես առանց բացատրության թույլ չտվեցին մտնել Ստեփանակերտ։ Նա գիշերով վերադարձել է Գորիս, ընդ որում՝ նա գնում էր Արցախ՝ թոռան մկրտության արարողությանը մասնակցելու համար։
Վաղը կամ մյուս օրը պարոն Հովհաննիսյանը հանդես կգա մամուլի ասուլիսով։
Աղավնո գյուղի անցակետում խաղաղապահները որևէ բան չասացին արգելքի պատճառների մասին, միայն ասացին, որ մուտքն արգելված է, և վերջ։ Միայն մեզ ցույց տվեցին պարոն Հովհաննիսյանի նկարն ու հայտարարեցին՝ մուտքն Արցախ փակ է»,- նշեց Մամիկոն Սարգսյանը և հավելեց, որ առաջիկա մամուլի ասուլիսի ժամանակ Րաֆֆի Հովհաննիսյանը կպատասխանի բոլոր հարցերին։
«Պատրաստ ենք պայքարել թե՛ փողոցում, թե՛ բանտերում»
Շտապ հաղորդագրություն. Սադրանք «Օհանյան-Րաֆֆի-Օսկանյան» դաշինքի դեմ Ջրառատ գյուղում
«Օհանյան–Րաֆֆի–Օսկանյան» դաշինքը Արմավիր քաղաքում է՝(Տեսանյութ, Լուսանկարներ)
«Օհանյան-Րաֆֆի-Օսկանյան» դաշինքի անդամներն Ավանում (տեսանյութ)
«Նախկին պաշտոնյա լինելը միայն դրական է, եթե ճիշտ քայլեր են արվել»
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո