Այն ժամանակ, որ ասում էի գցեք զիբիլի վեդրոն․․․ Պավլիկ Մանուկյանը՝ Փաշինյանի մասին

Արցախյան պատերազմներից մենք ոչ մի դասեր չենք քաղել: Այս մասին այսօր`
ապրիլի 2-ին, «Եռաբլուր» զինվորական պանթեոնում լրագրողների հետ զրույցում
ասաց ազատամարտիկ Պավլիկ Մանուկյանը:
«Ժողովուրդը հասկացել է, բայց մենք 30 տարվա մեջ չենք ունեցել իշխանություն, որը մտածեր այս ժողովրդի մասին, որը սիրել է այս ժողովրդին»,- ասաց նա:
Ազատամարտիկի խոսքով` «Եռաբլուր»-ի մեղավորները անարգել մտնում են, պղծում են  «Եռաբլուր»-ը:
«Ունեցանք մի իշխանություն, որը չարիք է մեզ համար, այն ժամանակ, որ ասում էի գցեք զիբիլի վեդրոն, վերջապես մենք զգում էինք, թե էդ զիբիլը ինչ ունի: Ինչ էր մեր ուզածը, մի հատ ազգային իշխանություն, սենց չարիք չունենայինք, կամ էլ էսօր ծնողների առաջը
կփակեն, կգան տղաների շիրիմները կպղծեն իրենց ներկայությամբ: Մինչև ներքին
աղբը չբուժվի, մարմինը ի զորու չի լինելու արտաքինի դեմ պայքարելու»,- ասաց
նա:
Հիշեցնենք՝ դեռևս 2018 թվականին «Սասնա Ծռերի» գործով մեղադրող դատախազը
հրապարակում էր գաղտանալսումները, որտեղ Մանուկյանը ասում է․ «Մեր
տղերքին ասա, որ Նիկոլին չլսեն, թող իրան շպրտեն զիբիլի վեդրոն...եթե չեք
կարում քար-մար շպրտեք վրեն: Տղերքին ասա՝ Նիկոլին չլսեն»։