Laureus World Sports Awards. Տարվա լավագույն մարզիկի կոչման հավակնորդները

Laureus World Sports Awards-ը հրապարակել է 2021թ․ աշխարհի լավագույն մարզիկի կոչման 6 հավակնորդների անունները։

Մրցանակին հավակնում են աշխարհի առաջին ռակետ, սերբ թենիսիստ Նովակ Ջոկովիչը, ամերիկացի լողորդ Կալեբ Դրեսելը, մարաթոնյան վազորդ, քենիացի Էլիուդ Կիպչոգեն, Ֆորմուլա-1-ի չեմպիոն, հոլանդացի Մաքս Ֆերստապենը, «Բավարիայի» լեհ ֆուտբոլիստ Ռոբերտ Լեւանդովսկին եւ ամերիկյան ֆուտբոլի լեգենդ Թոմ Բրեդին, որն ավարտեց կարիերան։

Լավագույն մարզուհու մրցանակին հավակնում են իսպանացի ֆուտբոլիստուհի Ալեքսիա Պուտելյասը, ամերիկացի վազորդուհի Էլիսոն Ֆելիքսը, ջամայկացի վազորդուհի Էլեյն Թոմփսոնը, ավտրալացի թենիսիստուհի, աշխարհի առաջին ռակետ Էշլի Բարթին եւ ավստրալացի լողորդուհի Էմմա Մաքեոնն ու ամերիկացի լողորդուհի Քեթի Լեդեկին։

Մրցանակաբաշխությունը տեղի կունենա ապրիլին։