«Մանչեսթեր Յունայթեդը» հեռացրեց Սուլշերին

նգլիական «Մանչեսթեր Յունայթեդը» նորվեգացի Ուլե-Գունար Սուլշերին հեռացրեց գլխավոր մարզիչի պաշտոնից։

«Մանչեսթեր Յունայթեդը» հաստատում է, որ Սուլշերը լքել է իր պաշտոնը։ Շնորհակալություն ամեն ինչի համար, Ուլե»,- նշվում է մանչեսթերյան ակումբի պաշտոնական հաղորդագրությունում։

Սուլշերը թիմը գլխավորում էր 2018 թվականից։ Անցած տարի նվաճեց Անգլիայի փոխչեմպիոնի կոչումը, Եվրոպայի լիգայի եզրափակիչում էլ հետխաղային 11 մետրանոցներով պարտվեց իսպանական «Վիլյառեալին»։

Ժամանակավոր պաշտոնակատարը կլինի թիմի մարզիչ Մայքլ Քերիկը։

Անգլիայի առաջնության 12-րդ տուրում «Մանչեսթեր Յունայթեդը» 1։4 հաշվով պարտվեց 16-րդ տեղում գտնվող «Ուոթֆորդին» եւ 17 միավորով 7-րդն է։

Պրեմիեր լիգայի նախորդ 5 խաղում «Մանչեսթեր Յունայթեդը» նաեւ 2։4 հաշվով պարտվել է «Լեսթեր Սիթիին», 0։5 հաշվով՝ «Լիվերպուլին», 0։2 հաշվով՝ «Մանչեսթեր Սիթիին», 3։0 հաշվով հաղթել է «Տոտենհեմին»։