Բելառուսի հավաքականը կրկնեց իր հակառեկորդը

Աշխարհի առաջնության ընտրական մրցաշարի նախավերջին տուրում Ուելսի հավաքականից կրած 1։5 հաշվով պարտության հետեւանքով ֆուտբոլի Բելառուսի հավաքականը կրկնել է իր հակառեկորդը։

Սա Բելառուսի 8-րդ անընդմեջ պարտությունն էր, դրանցից 7-ը՝ պաշտոնական հանդիպումներում։ 23 տարի առաջ եւս Բելառուսն ունեցել է 7 անընդմեջ պարտությունների շարք պաշտոնական խաղերում։

Նախորդ անգամ Բելառուսը հաղթել է այս տարվա մարտի 27-ին Էստոնիային՝ 4։2։

1997-ին եւս Բելառուսը 8 անընդմեջ պարտություն էր կրել (6 պաշտոնական, 2 ընկերական խաղ)։