Անգլիայի հավաքականը գերազանցել է 1908-ին սահմանած իր ռեկորդը

Աշխարհի առաջնության ընտրական մրցաշարի նախավերջին տուրում Ալբանիայի նկատմամբ 5։0 հաշվով տարած հաղթանակի շնորհիվ Անգլիայի հավաքականը գերազանցել է օրացուցային տարվա ընթացքում իր արդյունավետության ռեկորդը, որը սահմանել էր 1908 թվականին՝ 39 գոլ, հաղորդում է Opta-ն։

2021 թվականին Գարեթ Սաութգեյթի գլխավորած թիմն արդեն խփել է 41 գոլ։ Ալբանացիների դեմ խաղում հեթ-տրիկի հեղինակ էր դարձել Հարի Քեյնը, աչքի էին ընկել նաեւ Ջորդան Հենդերսոնն ու Հարի Մագուայրը։

I խմբում Անգլիան 23 միավորով առաջին տեղում է, Լեհաստանը երկրորդն է՝ 20 միավոր։ Երկու թիմերն էլ ապահովել են առնվազն երկրորդ տեղը։ Ուղեգիրը նվաճելու համար Անգլիան պետք է վերջին տուրում չպարտվի Սան Մարինոյին։