Ֆերդինանդը Սուլշերին հորդորել է հեռանալ «Մանչեսթեր Յունայթեդից»

Անգլիայի հավաքականի եւ «Մանչեսթեր Յունայթեդի» նախկին ֆուտբոլիստ, հեռուստամեկնաբան Ռիո Ֆերդինանդը մանչեսթերյան թիմի նորվեգացի գլխավոր մարզիչ Ուլե-Գունար Սուլշերին հորդորել է հրաժարական ներկայացնել։

«Ոչ մի փիլիսոփայություն կամ խաղաոճի ուրույնություն չեմ տեսնում «Մանչեսթեր Յունայթեդում»։ Ի՞նչ ենք անում, որպեսզի տիտղոս նվաճենք այս մրցաշրջանում։ Հոգուս խորքում միշտ թերահավատորեն եմ վերաբերվել Սուլշերի պաշտոնավարմանը։ Հույս էի փայփայում, որ Սուլշերը կարող է չեմպիոնության հասցնել թիմին, բայց երբեք վստահ չեմ եղել։

Ես պարզապես զգում եմ, որ հիմա ճիշտ ժամանակն է պաշտոնը մեկ ուրիշին փոխանցելու համար։ Սուլշերը կարող է հեռանալ պարզ ճակատով»,- Ֆերդինանդի խոսքը մեջբերում է Goal.com-ը։

Հիշեցնենք, որ Անգլիայի առաջնության նախորդ երեք տուրերում «Մանչեսթեր Յունայթեդը» 2:4 հաշվով պարտվել է «Լեսթեր Սիթիին», 0։5 հաշվով՝ «Լիվերպուլին», 3։0 հաշվով հաղթել է «Տոտենհեմին», 0։2 հաշվով պարտվել է «Մանչեսթեր Սիթիին»։ 11 տուրից հետո «Մանչեսթեր Յունայթեդը» 17 միավորով 6-րդն է։