ԱԱ-2022․ 15-ամյա ֆուտբոլիստը հրավեր է ստացել Ռումինիայի հավաքականից

Աշխարհի առաջնության ընտրական մրցաշարի առաջիկա հանդիպումներին պատրաստվելու համար Ռումինիայի ազգային հավաքականի գլխավոր մարզիչ Միրել Ռադոյը հրավիրել է նաեւ ռումինական «Ֆարուլի» 15-ամյա կիսապաշտպան Էնես Սալիին, հաղորդում է sport.ro-ն։

Էնես Սալին Ռումինիայի առաջնության պատմության մեջ գոլ խփած ամենաերիտասարդ ֆուտբոլիստն է։ Նա այս տարվա սեպտեմբերին աչքի է ընկել 15 տարեկան, 6 ամսական եւ 21 օրականում։

Էնես Սալին ծնվել է Կանադայում, մինչեւ 2017 թվականը մարզվել է «Վուդբրիջ Սթրայքերսի» ակադեմիայում, այնուհետեւ երկու տարի խաղացել է «Բարսելոնայի» ակադեմիայում։

Հայաստանի հավաքականի հետ նույն ընտրական խմբում ընդգրկված Ռումինիայի հավաքականը նոյեմբերի 11-ին կխաղա Իսլանդիայի, նոյեմբերի 14-ին՝ Լիխտենշտեյնի հետ։