Զինեդին Զիդանի միակ ափսոսանքը կարիերայում

Ֆրանսիայի հավաքականի նախկին առաջատար, Մադրիդի «Ռեալի» նախկին գլխավոր մարզիչ Զինեդին Զիդանը պատմել է ֆուտբոլիստի կարիերայի ընթացքում իր միակ մեծ ափսոսանքի մասին։

«Ես հեռացա Մարսելից, երբ երիտասարդ էի։ Ես հնարավորություն չունեցա ապրել հայրենի քաղաքում, երբ ֆուտբոլիստ էի։ Երբեմն լինում եմ Մարսելում։

Երբ 15, 16 տարեկան էի, հաճախ էի ստադիոնում հետեւում «Մարսելի» խաղը եւ միշտ ինքս ինձ ասում էի՝ ինչու մի օր չխաղալ այստեղ։ Բայց տարբեր պատճառներով այդպես էլ հնարավորություն չեղավ։ Հրաշալի կլիներ»,- Զիդանի խոսքը մեջբերում է La Provence-ը։

Ակումբային կարիերայի ընթացքում Զիդանը ներկայացրել է ֆրանսիական «Սեն-Անրին» (1982-1983, պատանեկան), «Սետեմ-լե-Վալոնը» (1983-1987, պատանեկան), «Կանը» (1987-1992), «Բորդոն» (1992-1996), իտալական «Յուվենտուսը» (1996-2001), Մադրիդի «Ռեալը» (2001-2006)։