Վրաստանում ծեծել են լրագրողներին՝ ԼԳԲՏ-ների շքերթը լուսաբանելու համար
Վրաստանի ՆԳՆ աշխատակիցները կալանավորել են երեք մարդու ԼԳԲՏ հանրույթի դեմ Թբիլիսիում տեղի ունեցած հանրահավաքում լրագրողների վրա հարձակվելու եւ մարմնական վնասվածքներ հասցնելու փաստով։ Այս մասին երեքշաբթի տեղեկացրել են գերատեսչությունում։
«Թբիլիսիի ոստիկանության դեպարտամենտի եւ ՆԳՆ Հին Թբիլիսի գլխավոր վարչության աշխատակիցները մասնագիտական գործունեությանն ապօրինաբար խոչընդոտելու եւ ֆիզիկական բռնության (ԶԼՄ ներկայացուցիչների հանդեպ բռնության սպառնալիքով) փաստով իրականացված քննչական եւ որոնողական միջոցառումների արդունքում Թբիլիսիի հանրահավաքի ժամանակ կալանավորել են երեք մարդու»,- ասված է հաղորդագրությունում։
Գերատեսչության տվյալներով՝ մեղադրվողները ֆիզիկական վիրավորանք են հասցրել «Ռուսթավի 2», «Մթավարի արխի» հեռուստաընկերությունների եւ «Թաբուլա» ու newposts.ge ինտերնետ-պարբերականների ներկայացուցիչներին։ Կալանավորված երեքից երկուսը մինչ այդ դատված են եղել։ Նրանց սպառնում է տուգանք կամ ազատազրկում երկու տարի ժամկետով։
Tbilisi Pride կազմակերպությունը, որն աշխատում է ԼԳԲՏ հանրույթի ներկայացուցիչների իրավունքների պաշտպանության ոլորտում, երկուշաբթի նախատեսում էր Թբիլիսիի Ռուսթավելու պողոտայում կազմակերպել «պատվո երթ»։ Դրա դեմ կտրականապես հանդես եկան ավանդական արժեքների կողմնակիցները, որոնք առավոտվանից սկսեցին հավաքվել Ռուսթավելու պողոտայում, որպեսզի հնարավորություն չտան իրականացնել այդ երթը։ Ավելի ուշ նրանք տեղափոխվեցին խորհրդարանի շենքի մոտ, եւ այնտեղ ավելի ագրեսիվ տրամադրված ԼԳԲՏ հանրույթի հակառակորդները սկսեցին հարձակվել լրագրողների վրա՝ նրանց մեղադրելով սեռական փոքրամասնությունների ներկայացուցիչներին աջակցելու մեջ։ Տուժել է ԶԼՄ ավելի քան 50 ներկայացուցիչ։
Ավելի ուշ ցուցարարները ներխուժել են Tbilisi Pride կազմակերպության գրասենյակ, ինչպես նաեւ ջարդարարություն իրականացրել «Ամոթ է» կազմակերպության շենքում։ ԼԳԲՏ հանրույթի հակառակորդները ուշ երեկոյան ցրվել են։ Նրանց գործողությունները դատապարտել են Վրաստանի նախագահ Սալոմե Զուրաբիշվիլին, խորհրդարանի խոսնակ Կախաբեր Կուչավան եւ «Վրացական երազանք – Ժողովրդավարական Վրաստան» կառավարող կուսակցության ղեկավար Իրակլի Կոբախիձեն։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Արսեն Զախարյանի տրանսֆերային արժեքն աճել է