Ինչո՞ւ են Իրանում սկսել հաճախ խոսել «3 + 3» ձևաչափի մասին. մեկնաբանում է իրանագետը
Իրանագետ Արտյոմ Տոնոյանը Sputnik Արմենիայի եթերում խոսել է Ադրբեջանում Իրանի դեսպանի հայտարարության և ճանապարհային ապաշրջափակման հարցում Իրանի դիրքորոշման մասին։
Ոչ միայն պաշտոնյաները, այլ նաև վերլուծաբանները Իրանում սկսել են ավելի հաճախ խոսել «3+3» ձևաչափի մասին։ Sputnik Արմենիայի հետ զրույցում այս մասին ասաց իրանագետ Արտյոմ Տոնոյանը։
«Իրանական ակտիվությունը ցույց է տալիս, որ այդ ձևաչափի կայացման առումով տեղաշարժ կա, իսկ ձևաչափը պտտվում է ադրբեջանա-թուրքական եզրաբանությամբ։ Ինչու ոչ` հայկական կողմի հայտարարություններում էլ է նկատվում հաղորդակցման ուղիների ապաշրջափակման թեման»,- ասաց նա։
Նրա խոսքով` ենթադրաբար ընթանում են գործընթացներ, որոնք տեսանելի չեն հասարակության համար։ Հատկապես վերջին շրջանում ադրբեջանական մամուլում հաճախ ենք հանդիպում պաշտոնական և ոչ պաշտոնական մակարդակով հնչած հայտարարություններ այն մասին, որ ադրբեջանական կողմը սպասում էր Հայաստանում ընտրությունների ավարտին և այս փուլում շատ ավելի մեծ ջանքեր է գործադրելու «Զանգեզուրի միջանցքի» գործարկումը կյանքի կոչելու համար։
«Տեսնում ենք, թե ինչպիսի ինտենսիվությամբ են իրենք աշխատում այս ուղղությամբ, կազմակերպում են միջազգային ֆորումներ, այդ թվում նաև առցանց ձևաչափով` ներգրավելով նաև միջինասիական, եվրոպական երկրներին, ԱՄՆ նախկին դեսպաններին, որոնք աշխատել են Ադրբեջանի Հանրապետությունում և քննարկում «Զանգեզուրի միջանցքի» թեման»,- նշեց իրանագետը։
Տոնոյանի կարծիքով` Իրանում «3+3» ձևաչափի շուրջ քննարկումները պայմանավորված են տարածաշրջանային գործընթացներից դուրս չմնալու գործոնով։ Չնայած` ԻԻՀ մերձիշխանական և իշխանությունների հետ առնչվող փորձագիտական կենտրոնները չեն դադարում խոսել այդ միջանցքի բացասական հետևանքների մասին։
Նրանք նշում են, որ այն նախևառաջ սպառնալիք է հայ-իրանական ուղիղ հաղորդակցությանը, երկրորդ` Իրանին զրկում է Ադրբեջանին կախվածության մեջ պահող լծակներից մեկից (խոսքը վերաբերում է Իրանի տարածքով Ադրբեջանը Նախիջևանին կապող ցամաքային ճանապարհին), և երրորդ`այդ ճանապարհով ապահովվում է ադրբեջանա-թուրքական ուղիղ կապ, էլ ավելի է մեծանում Թուրքիայի տնտեսական ակտիվությունն Ադրբեջանի տարածքում, ինչպես նաև իրականանում է պանթյուրքական կապի ապահովման գաղափարական թեզը։
Նշենք, որ Ադրբեջանում Իրանի դեսպան Աբաս Մուսավին ավելի վաղ հայտարարել էր, որ որ Իրանը պատրաստ է աջակցել «3+3» ձևաչափին` պայմանով, որ տարածքային փոփոխություններ չլինեն, այսինքն` հաղորդակցման ուղիների ապաշրջափակման պարագայում այդ ճանապարհը կամ միջանցքը շարունակի մնալ Հայաստանի վերահսկողության տակ։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Արսեն Զախարյանի տրանսֆերային արժեքն աճել է