Թուրքիան եւ Լիբանանը քննարկում են համագործակցության հեռանկարները

Թուրքիայի նախագահ Ռեջեփ Թայիփ Էրդողանը Ստամբուլում հանդիպել է Լիբանանի վարչապետ Սաադ Հարիրիի հետ, հաղորդում է Ahval-ը: Հանդիպումը տեւել է երկու ժամ եւ ներառել ճաշը, որի ընթացքում քննարկվել են տարածաշրջանային իրադարություններն ու համագործակցությունը մարտահրավերներին հակազդելու հարցում, որոնց բախվում են տարածաշրջանի երկրները:

Հարիրին եւ Էրդողանը քննարկել են Լիբանանի ու Թուրքիայի միջեւ երկկողմանի հարաբերությունները, ինչպես նաեւ Բեյրութը վերականգնելու հարցում ջանքերն այն պահից, երբ Լիբանանում կձեւավորվի նոր կառավարություն, ասված է Լիբանանի վարչապետի գրասենյակի հայտարարության մեջ:

Բեյրութում անցած տարի օգոստոսին ավերիչ պայթյունը խլել է առնվազն 100 մարդու կյանք, հազարավոր մարդիկ վիրավորվել են:

Այս տարի դա Էրդողանի եւ Հարիրիի արդեն երկրորդ հանդիպումն է: Ինչպես նշում են հրապարակման հեղինակները, Լիբանանի վարչապետի անունը կապվում է Թուրքիայում կոռուպցիոն գործարքների հետ: Այսպես, Հարիրին մեղադրվում է Türk Telekom -ի գործունեության մեջ ենթադրյալ մասնակցության համար: Türk Telekom-ը Թուրքիայում տեղեկատվական հաղորդակցական ոլորտում առաջատար ընկերությունն է: