Բայդենը պետք է հիշեցնի Էրդողանին ՆԱՏՕ-ի հիմնական սկզբունքների եւ արժեքների մասին. The Hill
ԱՄՆ-ի եւ Թուրքիայի նախագահները վերջապես կհանդիպեն Բրյուսելում ՆԱՏՕ-ի գագաթնաժողովի շրջանակում: Ջո Բայդենի վարչախումբը հող է նախապատրաստել հանդիպման համար՝ սահմանափակելով Էրդողանի համար Սպիտակ տան հասանելիությունը: Բայդենը պետք է օգտագործի այդ հնարավորությունը, որպեսզի նախազգուշացնի Էրդողանին, որ տրանսատլանտյան արժեքներից նրա հրաժարումը վնասում է ոչ միայն միության, այլ նաեւ Թուրքիայի եւ դրա քաղաքացիների անվտանգությունն ու բարօրությունը, գրում է The Hill-ը:
«Նախագահ Բայդենը խոստացել է վերականգնել միությունը, դեմ լինել «աճող ավտորիտարիզմին» եւ վերադարձնել «Ամերիկայի հեղինակությունը»: Կարճ ժամանակ անց պետքարտուղար Էնթոնի Բլինքենը սատարել է Բայդենին՝ խոստանալով մարդու իրավունքները դարձնել ԱՄՆ արտաքին քաղաքականության կենտրոնական հենքը: Էրդողանի հետ Բայդենի առաջիկա հանդիպումը հրաշալի հնարավորություն է այդ խոստումները կյանքի կոչելու համար:
Էրդողանը, որը սերտ հարաբերություններ ունի Ռուսաստանի նախագահ Վլադիմիր Պուտինի հետ, մնում է ՆԱՏՕ-ի պայթյունավտանգ ուժը: Մայիսի 26-ին Washington Post -ը գրել է, որ Անկարան օգտագործել է վետոյի իր իրավունքը, որպեսզի թուլացնի ՆԱՏՕ-ի պաշտոնական հայտարարությունը Բելառուսի հարցով ինքնաթիռի միջադեպի կապակցությամբ: Հաղորդվում է, որ Թուրքիան նաեւ ագելափակել է պատժիչ միջոցները, որոնց ուղղությամբ պնդում էին բալթյան դաշնակիցներն ու
Լուկաշենկոյին պաշտպանելու Թուրքիայի ձգտումը միայն վերջին օրինակն է, որ Էրդողանն օգնության է հասնում Կրեմլին՝ մեղմելով ՆԱՏՕ-ի գործողություններն ընդդեմ ռուսական սպառնալիքների:
Բացի Էրդողանին հիշեցնելուց, որ Ռուսաստանն առանցքային հակառակորդներից է, Բայդենը պետք է նաեւ ընդգծի տրանսատլանտյան միության շրջանակում լայնորեն տարածված մտահոգությունն այն առնչությամբ, որ Թուրքիան ձեռք է բերել Ռուսաստանի Ս-400 հակաօդային ապաշտպանության համակարգերը: Բայդենը նաեւ պետք է հիշեցնի նրան, որ Ս-400-ի ու ՆԱՏՕ-ի երկրում դրա ռադարների ներկայությունը հեռանկարում կարող է թույլ տալ Ռուսաստանին եւ մյուս հակառակորդներին ստանալ արժեքավոր հետախուզական տվյալներ, որոնք կօգնեն խոցել F-35-ը:
Բայդենը պետք է նաեւ ընդգծի մարդու անվտանգությունն ու օրենքի գերակայության կարեւորությունը:
Բայդենը պետք է օգտագործի այդ հնարավորությունը, որպեսզի հիշեցնի Էրդողանին, որ կրոնի կամ հավատալիքների ազատությունը տրանսատլանտյան կենտրոնական արժեքներից է: Վերջապես, Բայդենը պետք է սատարի կտրուկհայտարարությունները Պետական դեպարտամենտի կողմից, ինչպես նաեւ Ներկայացուցիչների պալատի ու Սենատի հայտարարությունները, որպեսզի հասկացնի Էրդողանին, որ հակասեմական հայտարարությունները, որոնք նա արել է անցած ամիս, տեղ չունեն ո՛չ ՆԱՏՕ-ում, ո՛չ քաղաքակիրթ աշխարհում:
Բայդենը պետք է հստակ հասկացնի, որ Միացյալ Նահանգները նույն իրենց կարծիքը չեն փոխի, երբ խոսքը վերաբերի ՆԱՏՕ-ի ամբողջականությունը պաշտպանելուն, եւ միտված կլինեն ժողովրդավար ուժերին Թուրքիայում եւ դրա սահմաններից դուրս, քանի որ Հյուսիսատլանտյան միությունը կա եւ պետք է մնա ոչ միայն կոլեկտիվ պաշտպանության կազմակերպություն, սակայն նաեւ արժեքների համախմբություն»:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...