ՔՊ նիստից հետո Արսեն Թորոսյանին ասել են, որ վերականգի «բարի անունը», ինչից հետո նա սկսել է ահաբեկել մարզային բուժկենտրոնների ղեկավարներին

Բժիշկ ուրոլոգ, առողջապահության կազմակերպիչ Գեւորգ Գրիգորյանը ֆեյսբուքյան իր էջում գրառում է կատարել՝ հայտարարելով, որ առողջապահության նախարար Արսեն Թորոսյանը ՔՊ նիստից հետո սկսել է ահաբեկել մարզկենտրոնների ղեկավարներին՝ պարտադրելով գովել իրեն ու իր քաղաքականությունը։

Գրառումն ամբողջությամբ ներկայացնում ենք ստորև․

«Փաստորեն ՔՊ նիստը բուռն է անցել...

ՔՊ նիստից հետո, «նախարարին» ասել են, որ մի կերպ վերականգնի իր «բարի անունը» ու «լավ համբավը», այլապես նրան կփոխեն:
Ու ի՞նչ արեց «նախարարը»... նիստից անմիջապես հետո սկսեց ահաբեկել մարզային բուժկենտրոնների ղեկավարներին` պարտադրելով, որ գովեն իրեն և իր վարած քաղաքականությունը, նույն դիմումով զանգեց իր դրածոներին, իսկ ում «ատամը չէր բռնում» ԽՆԴՐԵՑ, որ փոխանցած հսկայական պետպատվերների դիմաց գովաբանեն իրեն...
Գովաբանեցին`
«Արաբկիր» ԲԿ (չմոռանանք վերջերս 12 մլրդ դրամից ունեցացած բաժինը 0-18 տարեկանների բուժում կազմակերպելու համար)

«Աստղիկ» ԲԿ (2,7 մլրդ դրամ պետպատվեր)

«Էրեբունի» ԲԿ (ուղղաթիռի մենաշնորհ, ինսուլտների գրեթե մենաշնորհ, հսկայական պետպատվեր)

Չեմ անդրադառնում դրածոներին (նախարարի շրջապատ) և մարզային բուժկենտրոնների տնօրեններին, ում «գովքը» այնքան արհեստական էր, որ նույնիսկ ժպիտ առաջացրեց... դա պարզ էր, քանի որ նրանք գտնվում են «նախարարի» լծակների տակ:

Չեմ քննադատում և ըմբռնումով եմ մոտենում մասնավոր բուժկենտրոնների տնօրեններին, քանի որ «ничего личного, просто бизнесс» գաղափարը միշտ արդիական է»: